坦白講，經過尋日購物之旅，我真係有D 嬲
一個同我講：其實我唔知要買D 咩
另一個同我講︰其實駛乜我地兩個黎O者, ELAINE 咁得閒, 佢幫我地買晒咪得囉!
我知我冇咩資格去criticise，但以下o既野，只係我個人感受
1. 如果o係其他人已經畀晒所有materials 你睇時，你仲同我講你唔知要買d 咩，咁點解你唔開口問先
2. 如果你話你好唔得閒去睇o個d materials，咁點解你又得閒去掟鏢得閒睇電視得閒搽指甲油先
我覺得，既然決定要一個生命，就要o係能力範圍內畀到自己可以畀佢o既野，冇時間/唔得閒/唔知道/冇人陪/決定唔到等等，都唔係一個excuse。如果有咁多理由，咁當初仲乜決定要有哩個小生命先?
唔好以為有人幫你諗左買乜咁就大安旨意，我係唔忍心見到一個"女麻女麻"好無奈咁睇住自己個孫仔就出世但仲係咩都唔知冇prepare 過任何野咁，所以我幫手。我更加唔係得閒冇野做鍾意去好管人地d 閒事。最重要係：我已經嘥左我成個晏晝+ 夜晚去陪佢地買d 完全唔關我事o既野，唔該都冇一聲，仲要o係度講到所有野都係我o既責任咁。我好地地一個大好星期六晏晝做乜野有拖唔拍有街唔去但走黎畀人仲要當我應份咁做阿四先??
我對人好，唔等於我就任由人地點對我囉! 好多野都唔係應份!
