好耐冇寫BLOG, 大概係哩幾年內最耐o既一次
近期經歷左好多野
1. 新居: 雖則我唔係真係想o係哩間新居住太耐, 畢竟都係將來會住o既地方, 所以.... 點都要搞下o既, 嘩, 添置傢俬哩d 野, 真係煩到呢............ 為左慳錢, 我地去左宜蝦傢俬買大部份野+自砌, 砌個電視櫃真係最想死, kenny so 砌完後, 結果打消晒砌個衣櫃o既念頭, thank god! (如果佢要我砌個衣櫃的話我真係會隊lum 佢囉! 講緊係4尺半闊7尺9寸高o既衣櫃囉唔該!)
2. 生日: 最後一個單身o既生日, 今年好特別咁過左個48 小時生日會 (新曆+農曆= 連續2日), 我要求o既只係好簡單咁過一日: 好平凡咁行下街, 食餐好d, 睇下戲咁, 其實我就係鍾意d 咁簡單o既野, 我一向都唔喜歡人地擺太多attention o係我身上, 只要我鍾意o既人, 擺少少o係我度就ok。今年仲聽左煙花 (確實係聽, 因為intercontential grand standford 係啱啱睇唔到), 切左栗子蛋糕 (仲有kenny so 一班親戚同我一齊切, 解決年年買個蛋糕但又食唔晒o既問題), 已經好滿足架喇! 最錦上添花當然係全世界d 長輩知我生日, 所以發左筆新年財啦哈哈.....
3. 新年: 最後一個單身o既新年, 知道出年新年時, 好多野都會改變: 第一個去拜年o既地方再唔係自己父母屋企, 要開始同好多人拜年, 當然, 要拜好多利是 (好似倒水咁囉), ETC. 感覺有d 怪怪的, 突然間好唔捨得將會有哩個改變。今年新年對我黎講好似冇咩特別, 只係放左假 (仲要生日= 年初二但= 0700 訓訓下望下個黑苺= 彈起身怒做), 唔知, 出年會點呢?
今年話晒都係最後一年, 當然逗利是梗係摶命架啦, 今年直到目前為止, 善款數字已超過舊年總和!! 哈哈.... 主因係未來老爺加左碼 (加左一倍囉咩事, 年年收佢封利是已經好似出花紅咁, 今年簡直係.... 哈哈.....), 加埋生日利是, 又搵唔少, 哈哈.....
4. 計劃: 今年有好多野都需要計劃, 工作上(出trip, 十萬個action items, 哩d唔駛多講啦)、生活上(例如學車、大日子)、時間上等等, 真係喪爆多planning, 但我已經勁hyper 咁plan 緊4月去amsterdam 出TRIP 時自由行飛paris, 宜家想自己一個去 (因為同美國同事去, 可能比自己去更煩), 超想去呀 (尤其宜家手頭有錢, 想買野, 哈哈.....), 主因係想自己感受下一個人去旅行會係點, 我覺得會同自己5年前去台灣好唔同, 以前好多野冇咁o既膽同經驗去試, 畢竟宜家長大左, 見識多左, 睇法會有好唔同, looking forward to work hard play hard!!
