近況

1. 近期生理+心理上都好攰, 有時係攰到咩都唔想做/講, 個腦開始一片空白, 但又有幾廿萬樣野要做.... 唉..........

2. 心情受到菲律賓事件影響.... 我諗係我哩一生人睇過最傷人心o既新聞, 每睇一次喊一次. 我知道冇咩可以做到, 死左o既人都唔可以復生, 只可以大家努力生存落去

3. 我覺得, 朋友間o既溝通互動係好重要, 唔係單方面講or 單方面聽=朋友. 我開始厭倦有d人會o係佢自己想傾計時就不停傾, 唔想傾時就一句都唔會回應. 明明上一分鐘仲傾得好地地, 但當我講完下一句說話, 要等幾個鐘都仲係冇回應, 仲要哩d 事係經常發生，感覺真係好無奈。有時又要諗究竟有個topic 講左佢係會回應, 又怕自己講錯一句說話hurt 到佢某d 野, 好似好步步為營咁, 但講緊o既只係朋友間閒談幾句而已。我同意msn 有時係唔需要應晒所有野, 但唔係o係我同對方講大部份野時我已經要預左畀人ignore 哩個感覺, 我想話, 咁o既感覺真係唔好受。我唔介意唔開始傾計, 但我會介意自己好似只係畀人throw 一d information 落黎時但人地冇諗住接收我講o既information 咁，咁樣唔係溝通or 傾計, 只係好似想將一堆感覺掉去某一個area, 有人會接收, that's all

4. 高不成低不就時真係好難搵工. 如果各位有心想幹一番大事, 請你用幾年時間衝上高位, 否則三幾年後到你o係一間公司安頓太耐, 想離巢另搵出路時, 真係會R 爆頭都唔知自己可以搵d 乜同做d 乜. 高職位o既position 人地又睇你唔起, 低職位o既你又發覺自己唔可以downgrade 返落去, 其實, 真係幾灰

5. 有d 野真係可以一沉百踩, 當一間公司有一個人有離心時, 最會出現o既情況就係羊群效應中o既鳥獸散 --- 早走早著, 遲走訓唔著

6. 終於明白搵到適合o既工時, 即使做左好耐, 都唔會覺得有 "我o係度已經做左n 年" 哩個感覺, 好似係每一日都係一個grand new day

7. 雖然我話我唔介意冇人陪我 + 我要經常自己hea, 但我真係好介意so called 叫做陪我時對方係non-stop 咁同我講埋d "我真係好攰囉", "你估唔攰架咩" 哩d 咁o既說話. 其實o個下我可以有咩反應呢, 如果係真係要陪我, 唔該唔好令我覺得我宜家squeeze 緊你d 用黎休息o既時間夾硬要你陪我, 更加唔好搞到我有一個感覺係我應該好guilty on 我攞左你d 時間要你陪我所以你咁攰. 要知道搞到你咁攰o個個又唔係我, 我已經好多野自己搞掂, 已經冇人理我, 已經好無奈, 我已經咩都冇講過咩都冇出過聲, 但如果仲要成日都好似聽埋d 晦氣說話咁, 其實, 我都好灰囉。我想話: 你搞成咁攰, 唔係淨係你先suffer, 我suffer o既唔會比你少

如果我只係要幾個鐘o既時間都仲要on n off 睇住一件喪屍o係度不停同我sun佢好攰, 咁不如1st moment o個下已經唔好話要陪我喇! enough! 我都只係一個星期要幾個鐘咁大把o者, 唔好搞到我好似要你7x24x7 咁要你精盡人亡咁o既身世啦!!

8. 唔該, 唔好再話我"成日發脾氣" 我發脾氣表示我忍無可忍 + 你做左好多令我好忟憎o既事搞到我負能量爆燈。

唔該你話我發脾氣前, 諗下你啱啱夾夾埋埋究竟做左幾多樣會令人好忟憎o既野?

例如:
a. 已經叫左你半個鐘都唔肯死起身, 繼續同我講: 五分鐘 (真係五你條命囉, 我叫你起身時唔該你好即刻同我死起身, 冇價講ok?! ) ;
b. 叫左你n 次要沖水都唔記得沖;
c. 問左你十萬次攞齊野未都仲係行到一半發覺漏左d 好重要o既野;
d. 哩頭叫完我攞完藥o個頭又叫我攞水; (明明上一刻你自己o係個廚房度+知道自己要食藥咁做乜q 你自己唔攞左水先呢?! 我唔係你個印傭!!);
e. pat 到成地下都係污糟衫仲走黎同我講: 拎晒哩d 出去啦要洗架 (想點呢哩d 衫你自己著架囉 + 你自己先知駛唔駛洗o者頂你, 我唔係你個印傭again n again 囉!!!!!)

哩一堆令人好沮喪+好忟憎o既野, 如果o係第一刻你自己已經搞掂左唔駛我再操心時, 我好明顯係絕對唔會有機會發到脾氣

同埋唔好再質問我 "你又發咩脾氣呀", 聽到哩句明明唔想發脾氣都突然間變得好火滾. 你明知自己唔識講野TUM 人就唔該你SHUT UP, 唔好再o係度火上加油, 驚死我真係唔會發火咁

9. 唔好再同我講 "我訓喇我唔沖涼呀", 我唔會理任何原因, 我o個刻只係真係會再次兜腳伸你落床, i swear!

10. 當心理上好攰時我就想打機, 因為唔駛用腦 (打機腦同諗野腦係兩回事), 最重要係可以kill time

11. 當我唔想做某樣野時唔該唔好逼我, 否則會搞到我好厭惡o個樣野

美國遊記 (下)

仲有一半o既野想講 (可能唔止, 諗到時又會將哩篇變成"中")

6. 港人心態
well, 港人心態唔係指我自己人在美國o既心態, 係身邊睇住我去美國o個d 人o既心態. 我真係唔係好明, 我又唔係第一日同人講我去美國, 大家都老早知道, 但硬係o係我影左好多相時叫我買哩買路. 其實我真係唔介意未出發前有個purchase list, 只要可以清楚話我知想要乜, 我就可以搵。 但o係我旅程中大家見到我影左相, 就紛紛走黎同我認投要買哩買路, 我只有一個感覺 -- 好無奈

好似有某個親戚. 見到我買畀我媽個銀包, 佢又問我去唔去多次買, (但美國d 路, drive 親都1個鐘囉), well 我話佢鍾意的話我成本價賣畀佢, 佢又即刻say no! 咁即係點呢? 佢係咪諗住佢叫我買 = 我會送畀佢呢? 哩下我真係畀唔到反應佢.

我想講o既係 -- 其實我今次係黎工幹唔係旅行, 唔係好得閒走去shopping (最重要係我得返30 個鐘o係哩度, 11小時訓覺+ 2 小時travel + 8小時工作, 我已經冇左超過2/3 時間, 仲要收拾行裝). 所以我reject 晒所有叫我買野o既人o既order, 因為我覺得: 如果真係好有心買, 好有urgency 買, 唔會等我o係美國, 見完我買左時, 先會覺得有需要買囉

7. 個人主義
美國個同事係咁炳我駛左700蚊美金 (實情冇咁多) 買野, WELL, 我入面有一半o既野都唔係買畀自己 (送係畀屋企人), 跟住佢又o係度challenge 我: 我都係咩都冇買畀佢地架喎! 咁你冇哩個文化o者, 我好錫我老豆老媽男友, 未來老爺奶奶等等, 買野畀佢地有咩唔啱先. 又話條數都係我找, 好多錢云云. well, 我覺得冇問題咪得, 唔知點解要佢黎覺得好有問題。well 我知佢地個人主義嚴重, 只會對自己好, 哩個係文化差異, 你理得我點駛我d 錢o者! 同埋, 問題係: 佢肯駛錢畀自己食50蚊美金一個dinner, 我唔肯, 但我會用50蚊美金買d 靚d o既化妝品囉, 只係駛錢方法唔同o者, 唔駛批判我n 日卦 -_-

8. 味蕾退化
o係度食得多幾餐後, 你會發覺d 餸一係就太咸, 一係就太甜. 我好懷疑係咪d 外國人食野都係要食咁濃味先覺得好食, 真係食到脷都麻晒

美國遊記 (上)

美國之旅後感

1. 美國哩個地方同大陸其實都係冇咩分別. 如果你想有人幫你, even 你只係想有架車仔幫你, 都係要用錢解決. believe me, 我畀一個黑人問過我: do you need help? 我話: yes. 然後佢叫我畀錢佢

2. 一個地方太大都係唔係幾好, 你以為夠大o既地方即係等於可以多d movement?! 實際上所有人都好似跛左一樣, 出入買包煙都要drive. 一段睇落去只要3 mins o既joruney, 但如果要你去行, 其實可能要15分鐘以上, 所以大部份人都唔願行。that's why d 美國人個個都超重同埋膝關節有問題. how come?! 因為佢地最多係坐o係度drive, 唔會行路, 更加唔會用到腿部肌肉, 所以退晒化!

3. 難以想像, 食一個ceasar salad 個價錢係同你食一個steak 差唔多. 我食幾條菜竟然等於食牛扒o既價錢?! that's why again 你又明白點解美國人可以咁大份. 係opportunity cost o既問題, 既然我畀得起錢食菜, 咁我做乜唔用同等價錢食牛扒先?!

4. 可能外國生活就等於耕田式生活 -- 日日0600 起身, 0700 食早餐, 0800 返工, 1700 收工返屋企, 然後1800 食飯, 1930 - 2000 沖涼換衫, 2000-2030 睇下書就訓覺。well, 日出而作日入而息. 一句講晒 --- 好Q 悶. 你想放左工去行下街? sorry 佢地唔習慣哩個動作, 同埋覺得你成日要行街買野好嘥錢. well, 事實係我只係過慣左城市生活, 行街唔等於駛錢, 只係keep up自己gather information o既心態而已. well 難怪個個鬼佬都唔介意不修邊幅咁行出街, 因為佢地連去mall gather 最新fashion info o既可能都冇

5. 我o係美國見過最大份o既steak 係26 安士. 26 安士 = 938 克. 想唔想像到? 即係你一餐食左差唔多1kg o既牛肉! 我尋晚見到一個其貌不揚, o係美國standard 講佢唔算肥o既5尺9寸男人, o係5分鐘內鯨吞左哩份steak + 一個焗薯! 我相信哩d 事件只會o係美國發生, 而且肯定唔係單一事件, 否則佢個menu 跟本唔會有一個26 oz o既牛扒做choice!!

仲有好多野想講, 不過下回分解

19句善待自己的話

好耐都冇覺得哩D 金句咁有用



1、如果發短訊給一個人，他/她一直不回，不要再發了。沒有這麼卑微的等待。 (係, 絕對冇人需要自己咁卑微咁做, inter-respect, ok?)



2、如果沒有人陪，學著一個人聽音樂看書寫點心情日記。這是個好習慣。(近年來我最常做o既做法, 心情日記唔需要circulate 畀everybody 睇, 只畀一d 會有心睇o既人, 有心人自會睇到)



3、如果一個人很難過，找個角落或者在被子裏哭一下，不需要別人同情可憐，哭過之後一樣開心生活。 (哩個係一個最好o既發洩方法, 我最怕人地話我: 哎呀你好慘呀. well, 你覺得我慘時, 其實我o既日子依然要過)



4、如果一個人開始怠慢你，請你離開他。不懂珍惜你的人不要為之不舍，更不必繼續付出你的友情或愛情，到頭來受傷的是自己他人不會為之難過。(4年前已經懂得哩個真諦!! 係要做到頭也不回o個隻!!, 如果唔係傷心只有自己)



5、如果可以不抽煙，別抽。如果可以不喝酒，別喝。這是不愛惜自己身體的表現，如果只因一些人，那麼我們別傻了，愛你的人不會讓你難過的。(所以我唔煙, 更加戒酒幾年, 因為我條命好矜貴)



6、傷心的時候找個信任的朋友訴說一下，不要一個人默默承受，這只會會更添寂寞感與憂傷。(ps. 只好搵一d 真係會聽人講野o個d，唔好搵一ｄ: 淨係你好慘咩, 我咪又係咁咁咁咁. ok, 我冇話你咁樣唔慘, 但個point 係, 哩一下我覺得自己好慘, 想get 下attention, 你好慘, 唔代表我冇你咁慘, ok?)



7、不開心的時候白天看看藍天晚上看看夜色，廣闊的天空自有屬於我們的愛，寧可高傲的發黴不要低調的戀愛。跟自己說我是最好的。保持一份自信。(如果真係愛, 即使係唔見得光, 個男人都係會拖住你! 信我! 因為我試過, 更加試過遇到一個懦夫, 明明得我一個女友, 出到街見到疑似熟人即刻fing 開我! o個下你會知究竟自己o係哩個人心目中有幾重要)



8、寧缺毋濫。不要因為寂寞隨手抓一個戀人，這對兩人都不公平，而且太缺乏責任感。找個知己不要是戀人。 (哩個簡直係一個教訓, 就係因為n 年前我一念之差, 造成我可能一生o既被精神病患者滋擾!)



9、記住你喜歡的人的生日，包括你的家人，當然，還有自己。生日沒有人送禮物也無所謂，你可以買精美的禮物，送給媽媽和爸爸。 (一句生日快樂足以令人心甜)



10、閑下來的時候,放一段柔情音樂，翻閱幾頁好書，然後睡個懶覺，快哉。心情不好的時候,也可以睡一覺。 (心情唔好時最好唔好去d 人多擠逼仲要夾硬笑o既地方, 否則只會忟上加忟, 同埋最好做d 唔駛用腦, 但要用手做o既野去cool down 自己)



11、從現在開始，聰明一點，不要問別人想不想你？愛不愛你？若是要想你或者愛你自然會對你說，但是從你的嘴裏說出來，別人會很驕傲和不在乎你。(人大左, 變得好(太) 實際. 一個電話打黎: 食左飯未, 做緊乜, 訓覺lu, 搞掂. 連男友話: 我想攬下你, 我會話: 好熱呀攬乜鬼丫. 老天, 我係咪太實際?!)



12、不要太在意一些人太在乎一些事，順其自然以最佳心態面對，因為這世界就是這麼不公平往往在最在乎的事物面前我們最沒有價值。 (因為冇咁多時間畀自己理咁多野)



13、不要為了任何人任何事折磨自己。比如不吃飯、哭泣、自閉、抑鬱，這些都是傻瓜才做的事。當然，偶爾傻一下有必要，人生不必時時聰明。 (若干年前我都試過咁弱智, 但宜家覺得--- 其實哩個世界冇咩事係咁大不了o者)



14、任何情況下，背後不說他人是非。如果一定要你說，說好話。多個朋友是好事，即使不是很要好的，總比因為自己說話不慎重不思考而多一個敵人好得多。 (對人講野要小心)



15、允許偶爾看肥皂劇，但不可成為依賴。允許偶爾披頭散髮，但要注重場合。允許偶爾罵髒話，但只限在老友面前或者獨自一人時，記得說過後要忘掉那些讓你難過的事。 (我成日都會自己一個時狂講粗口, 開始覺得自己有病!)



16、一定要有幾個異性朋友，沒有非分之想.就是關鍵時候, 幫你出出主意的好友。 (坦白講, 我傾得埋o既男性朋友真係比女仔多好多好多. 如果我結婚, 可以搵兄弟做姊妹, 我諗我唔駛咁頭痕)



17、學會承受痛苦自己調整心態。有些話，適合爛在心裏，有些痛苦，適合無聲無息的忘記。當經歷過，你成長了，自己知道就好。很多改變，不需要你自己說，別人會看得到。 (人愈大, 愈知道如果有d 野講左出黎, 解決唔到, 但又令我唔開心喎, 不過對方又想同我傾時, 我會東拉西扯講/做其他野, 唔係我唔想講真相, 只係我唔想製造麻煩。既然講出黎無助事情, 更會小事化大, 咁不如我一個人吞晒佢好喇)



18、能不和人爭吵儘量避免。一個發怒的人是很恐怖的，會因控制不了情緒變成瘋子。忍耐然後思索問題的根源最後平靜心態解決它 。(same as 17)



19、不管和誰有了矛盾和彆扭，解決的時間不要超過24小時。否則麻煩會更多。在可以接受的範圍內，先道歉。讓自己做做壞人不是件真的壞事。(因為男人絕對唔可以同你做長久拉鋸戰, 否則佢地會發神經or 會當冇事發生 (適用於弱智型男生, 好不幸我身邊o個位正正係哩type(所以好易明白點解我會放棄咁拗超過一日) )

令人摸不著頭腦的男人

今日，朋友P 同我講起某位我o既ex (同佢係common fd o個位)

事緣哩個茂利 (請容許我叫所有ex做"茂利",因為如果唔係佢有某種茂利element, 佢永遠都唔會係我o既前度, 而應該係現任) 無啦啦走黎同P 講:

ELAINE o係MSN ADD 我囉你知唔知佢咩事?!

(據說N 年前佢話佢唔想睇到我msn上有可能寫左D同現任o既肉麻wording, 所以佢DELETE 左我喎, well, 但我份人好大方, 唔會無啦啦走去delete 人, XANGA 男哩類變態除外)

well, 我從來都冇delete過佢, 又何來要add 呢? 真係十級R 爆頭!

同埋, even 我有朝一日真係delete 佢, 都唔會走去add返佢囉!! (WELL, 我覺得佢想架)

雖則我個list入面有好多人我係知佢乜水但唔會同佢講野o個D, 但我諗我都絕對無試過無啦啦click 左佢say 句hi 之類咁弱智o既情況 (我仲未弱智到等於我某位ex o既智商), 所以我defind佢哩個"Elaine o係msn add 我囉"statement, 完全係子虛烏有

之後講o既野仲古怪, 佢問P, 我係咪真係嫁得成!

(P 好肯定咁答佢: "係!", 我相信哩個茂利肯定若有所失)

我問P: 佢係咪好想我嫁唔成? P: 可能係

神經病!

我好直接o既反應係: 我嫁唔嫁得成, 關佢叉事?!

當初兩個女人擺o係度畀佢揀 (雖則講得好卑微, 但事實如此), 佢冇選擇我, 或者對佢黎講會後悔。但今日我要嫁畀邊個, OR 唔嫁畀邊個, 其實, 同佢一D 關係都冇。難道我哩世都嫁唔出, 睇到我折墮, 佢個心會好過D? 哩D 唔係神經有病咁係咩有病?

我發覺, 真係所有EX 都精神有問題, 唉, 點解當初唔戴眼識人?!