雖無大事件發生, 不過總要留低一言兩語
1. 畀一個麻煩人煩緊。先生, 你又唔係我邊個, 連朋友都講唔上 (佢當唔當我係朋友, 唔係我考慮之列), 實在冇咩必要攞你命三千咁打黎搵我。要知道, 我哩個人就係有咁o既本事, 連我身為我男友o個件茂四, 連call 我30 幾次, 我係唔鍾意聽就唔聽, 何況係一個完全唔相干o既人?! 最重要係, 其實, 我冇咩興趣去應酬佢, 因為要同我打交道o既人, 智商最少唔可以低過100
2. 人地話阿媽當你結婚時會變左另一個人, 我唔信。so far, 我媽都真係冇變左另一個人, 只係, 將本來已經好麻煩o既佢, 變得更麻叉煩
3. 瘦身之旅接近放棄, 其實, 我個目標, 一直都唔係要11月瘦到條柴咁見人, 只係覺得"郁過下好過唔郁等死咁"
4. 有時覺得病下都冇壞, 因為我病左幾日, 就o係屋企摺埋左幾日, 樂得清閒! 連車錢都慳返, 唔駛諗lunch 究竟去做gym 好定係晏晝落去食飯好定粉好定包好
5. 最有趣但又最火滾係, 明明我約左個同事開會(我work from home), 時間到, 打畀佢啦, 佢d 聲, 明明係食緊lunch 出街嘈到癲o既聲, (之後仲要有同事話返我知佢lunch 同左另一個同事食) 但佢夠膽死話: 我o個一刻又畀你老細煩緊我呀blablabla. 其實, 我個樣都唔係咁好呃o者, 仲要係d 咁低級大話! 哩條友, 平時o係我面前如果數落老細 (雖則我老細真係窩囊廢), 但實在, 當自己其身不正, 掛住食飯唔開會時, 真係............. 冇咩資格話人囉!
病人需要午睡鳥, 下回分解
2011年7月21日 星期四
戀愛價值觀
近期隨想
1. 有人同我講: 你之前D拍拖DURATION 都幾長架喎 (~2年). WELL, 哩句說話係個o靚仔同我講o既, 令我好有"唉, 我老喇" 哩個感覺
其實, 每段戀愛, 我都冇咩特別去keep 得佢有幾長或幾短, 不過宜家諗返, 每一個年關, 其實我都有唔同感覺:
1 年: 嘩! 1年喇, 好興奮呀! 好開心好SWEET 呀, 快D 有更多個一年! (思春o既感覺)
2 年: 2年架喇?! 佢哩個人哩兩年黎, 都ok 啦, 不過佢呢其實咁咁咁咁咁.... (下省一萬字挑剔對方)(註: 我唔係淨係對一個係咁, 每一個同我差唔多2年 - 2年或以上o既人, 我都有咁o既諗法) (好明顯係聊交鬧唔知想點)
3 年: 嘩, 點解我可以同佢咁耐 (非常耐人尋味, 連自己都覺得好詑異)
4 年: 4年喇喎, 其實, 好快又一年 (已經非常老夫老妻, 零新意)
5年或以後? 我暫時答唔到你, 不過, 可能出年都已經答唔到, cos 出年係"已結婚", 所有野又可能reset, 完全唔同晒
至於點解每一段戀愛我都keep到若干日子, 我諗主因係我唔鍾意變動o既性格所致
雖然我外表完全係o個d 好enjoy 轟轟烈烈愛死愛死十分高姿態o個隻, 其實我個人追求o既一向都係一d平凡得不得了o既事, 例如食餐飯, 睇場戲, 咁又一日咁又一年o既感覺. 我覺得生活上已經有好多野要粗心, 有好多野要好似打仗咁面對。 對於戀愛, as simple as possible + plain but long lasting 一直係最啱我o既野。所以我會想揀談一段簡單o既戀愛, 搵一個簡單單純又唔太笨o既人結婚 (係, 我真係覺得我未來老公就係o個d 單純得黎成日畀人搵笨但又唔算死蠢o既男人, 太弱智o個類男人我接受唔到) , 平平凡凡咁就一世, 哩個係我o既dream life.
2. 哩排望住一個o靚仔同佢女友分手, 分手, 係女方提出, 男方都唔知幾開心 (大概早就冇新鮮感 + 嫌條女煩 + maybe 有另一d 女人畀左d inspiration 佢)。但女o個個, 見到男o個個分左手之後過得都唔知幾咁enjoy, 心入面又無名火起, 結果又去搵返佢搞好多小動作, 當然, 咁做只會更乞個男人憎。
雖然, 我同哩條女, 完全係一d都唔熟, 不過望住佢做緊d 咁唔成熟o既野, 我就諗起其實自己19 歲o個年, 都試過做d 咁o既野。
手, 雖然唔係我講要分o既, 但我當時o既高姿態都唔比佢低 (人地老豆入左院, 我摌上去, 同人地老豆講: 我係你個仔o既朋友, 知你病左黎探你病架~ 重點係: 人地老豆跟本唔知自己個仔同我拍左2年拖+ 啱啱散左)
或者, 我下次見到哩個妹妹仔, 會過返佢兩招"如何架禦男友", well, 前提當然係佢要聽。不過, 我都好了解, 如果佢會聽得入耳, 就應該唔會o係22 歲都仲做埋哩d咁低level o既野, 畢竟我22 歲時, 已經成精鳥
3. 又有人問我: 點解你唔驚你男友去偷食?
都係o個個原因: 做每一樣野, 都係有代價的
從來冇話過佢冇偷食o既可能, 只係佢會唔會識得抹咀o既問題，不過, 如果佢識得計數, 就會知個cost 好大
有時, 要maintain 一段關係, 或者唔令對方偷食, 未必一定係"愛情" 咁簡單。令自己成為佢生活一部份, 係最穩陣o既投資 (前排係要自己真係覺得買啱貨, cos 一買錯貨, 就真係損手爛腳得好大鑊)。
同埋, 當一個男人, 忙到pk, 訓覺都唔得閒訓, 但錢又唔見搵到一堆返黎時, 仲偷食?! 不如留返d 時間訓覺好過啦~
最最最重要一點係: 究竟對自己有冇信心 (唔係對佢, 係對自己)
1. 有人同我講: 你之前D拍拖DURATION 都幾長架喎 (~2年). WELL, 哩句說話係個o靚仔同我講o既, 令我好有"唉, 我老喇" 哩個感覺
其實, 每段戀愛, 我都冇咩特別去keep 得佢有幾長或幾短, 不過宜家諗返, 每一個年關, 其實我都有唔同感覺:
1 年: 嘩! 1年喇, 好興奮呀! 好開心好SWEET 呀, 快D 有更多個一年! (思春o既感覺)
2 年: 2年架喇?! 佢哩個人哩兩年黎, 都ok 啦, 不過佢呢其實咁咁咁咁咁.... (下省一萬字挑剔對方)(註: 我唔係淨係對一個係咁, 每一個同我差唔多2年 - 2年或以上o既人, 我都有咁o既諗法) (好明顯係聊交鬧唔知想點)
3 年: 嘩, 點解我可以同佢咁耐 (非常耐人尋味, 連自己都覺得好詑異)
4 年: 4年喇喎, 其實, 好快又一年 (已經非常老夫老妻, 零新意)
5年或以後? 我暫時答唔到你, 不過, 可能出年都已經答唔到, cos 出年係"已結婚", 所有野又可能reset, 完全唔同晒
至於點解每一段戀愛我都keep到若干日子, 我諗主因係我唔鍾意變動o既性格所致
雖然我外表完全係o個d 好enjoy 轟轟烈烈愛死愛死十分高姿態o個隻, 其實我個人追求o既一向都係一d平凡得不得了o既事, 例如食餐飯, 睇場戲, 咁又一日咁又一年o既感覺. 我覺得生活上已經有好多野要粗心, 有好多野要好似打仗咁面對。 對於戀愛, as simple as possible + plain but long lasting 一直係最啱我o既野。所以我會想揀談一段簡單o既戀愛, 搵一個簡單單純又唔太笨o既人結婚 (係, 我真係覺得我未來老公就係o個d 單純得黎成日畀人搵笨但又唔算死蠢o既男人, 太弱智o個類男人我接受唔到) , 平平凡凡咁就一世, 哩個係我o既dream life.
2. 哩排望住一個o靚仔同佢女友分手, 分手, 係女方提出, 男方都唔知幾開心 (大概早就冇新鮮感 + 嫌條女煩 + maybe 有另一d 女人畀左d inspiration 佢)。但女o個個, 見到男o個個分左手之後過得都唔知幾咁enjoy, 心入面又無名火起, 結果又去搵返佢搞好多小動作, 當然, 咁做只會更乞個男人憎。
雖然, 我同哩條女, 完全係一d都唔熟, 不過望住佢做緊d 咁唔成熟o既野, 我就諗起其實自己19 歲o個年, 都試過做d 咁o既野。
手, 雖然唔係我講要分o既, 但我當時o既高姿態都唔比佢低 (人地老豆入左院, 我摌上去, 同人地老豆講: 我係你個仔o既朋友, 知你病左黎探你病架~ 重點係: 人地老豆跟本唔知自己個仔同我拍左2年拖+ 啱啱散左)
或者, 我下次見到哩個妹妹仔, 會過返佢兩招"如何架禦男友", well, 前提當然係佢要聽。不過, 我都好了解, 如果佢會聽得入耳, 就應該唔會o係22 歲都仲做埋哩d咁低level o既野, 畢竟我22 歲時, 已經成精鳥
3. 又有人問我: 點解你唔驚你男友去偷食?
都係o個個原因: 做每一樣野, 都係有代價的
從來冇話過佢冇偷食o既可能, 只係佢會唔會識得抹咀o既問題，不過, 如果佢識得計數, 就會知個cost 好大
有時, 要maintain 一段關係, 或者唔令對方偷食, 未必一定係"愛情" 咁簡單。令自己成為佢生活一部份, 係最穩陣o既投資 (前排係要自己真係覺得買啱貨, cos 一買錯貨, 就真係損手爛腳得好大鑊)。
同埋, 當一個男人, 忙到pk, 訓覺都唔得閒訓, 但錢又唔見搵到一堆返黎時, 仲偷食?! 不如留返d 時間訓覺好過啦~
最最最重要一點係: 究竟對自己有冇信心 (唔係對佢, 係對自己)
訂閱：
文章 (Atom)