近況

雖無大事件發生, 不過總要留低一言兩語

1. 畀一個麻煩人煩緊。先生, 你又唔係我邊個, 連朋友都講唔上 (佢當唔當我係朋友, 唔係我考慮之列), 實在冇咩必要攞你命三千咁打黎搵我。要知道, 我哩個人就係有咁o既本事, 連我身為我男友o個件茂四, 連call 我30 幾次, 我係唔鍾意聽就唔聽, 何況係一個完全唔相干o既人?! 最重要係, 其實, 我冇咩興趣去應酬佢, 因為要同我打交道o既人, 智商最少唔可以低過100

2. 人地話阿媽當你結婚時會變左另一個人, 我唔信。so far, 我媽都真係冇變左另一個人, 只係, 將本來已經好麻煩o既佢, 變得更麻叉煩

3. 瘦身之旅接近放棄, 其實, 我個目標, 一直都唔係要11月瘦到條柴咁見人, 只係覺得"郁過下好過唔郁等死咁"

4. 有時覺得病下都冇壞, 因為我病左幾日, 就o係屋企摺埋左幾日, 樂得清閒! 連車錢都慳返, 唔駛諗lunch 究竟去做gym 好定係晏晝落去食飯好定粉好定包好

5. 最有趣但又最火滾係, 明明我約左個同事開會(我work from home), 時間到, 打畀佢啦, 佢d 聲, 明明係食緊lunch 出街嘈到癲o既聲, (之後仲要有同事話返我知佢lunch 同左另一個同事食) 但佢夠膽死話: 我o個一刻又畀你老細煩緊我呀blablabla. 其實, 我個樣都唔係咁好呃o者, 仲要係d 咁低級大話! 哩條友, 平時o係我面前如果數落老細 (雖則我老細真係窩囊廢), 但實在, 當自己其身不正, 掛住食飯唔開會時, 真係............. 冇咩資格話人囉!

病人需要午睡鳥, 下回分解