吃不到的葡萄是酸的

每到過年我總係會諗返D 令人難忘o既往事

近期我諗起一個我暗戀左6-7年o既人

哩個人其實其貌不揚 (我唔介意形容下佢, 因為基本上識佢+ 我o既人冇一個知我暗戀佢 + 我廿幾年人以黎只係講左畀兩個人知我暗戀過一個咁o既人), um.... 個口好大, 對眼好大, 個鼻好大 (ok 佢所有五觀都好大但偏偏個人唔高大), 綜合起黎似個小丑。唔好問我點解會鍾意左一個小丑，仲一鍾意就6, 7 年，有d 野就係無得解釋

我大概由中四開始暗戀佢(佢大我2年)，直到year 3 last sem ，簡直詭異! 你問我鍾意佢d 乜，我又真係答你唔到，不過係好初戀o個種感覺囉! 我淨係記得我中五時用左我一生人o既勇氣去畀我本紀念冊佢寫，而佢寫完之後我亦都用左畢生o既勇氣去睇左一次 (ok 我只係睇左一次，已經冇勇氣睇多次，但我係記得佢every sentence)

F.5 畢業後，F.6 CHRISTMAS 假某日我見過哩個人一次 (第一次亦係最後一次SO CALLED 約會), 我為左哩個約會大廢周章咁織左條6尺長o既頸巾畀佢 (6尺長?! ok 我承認當時我係癲癲地)，again 用盡我畢生o既勇氣送左畀佢，哩條茂利(基本上"茂利" 係我對所有男人o既稱謂) 有咩表示? "我下次補送返畀你" (我肯定佢對我條6尺長頸巾係呆左, 但更戇居o既係我連用一秒o既時間睇下佢o既反應哩個勇氣都冇)

o個時o既我真係會為左佢一句"你第日黎HKU 做我師妹啦" "我第日追你啦"，結果我中六七時完全係朝住 "我要入HKU" 去奮鬥我個A-LEVEL。唔好問我點解最後我揀左CUHK 做我1ST CHOICE + 將HKU 放到第6-7TH CHOICE, 可能係o個刻我突然間發完夢卦 (如果我真係碌左入HKU ，我又會係另一個故事)(我100% SURE 我入到HKU 因為我A-LEVEL 個分係ABOVE MEAN, JUST A MATTER OF CHOICE)

我year 1 時同當時男友分左手，第一時間話佢知，o個時佢又啱啱同佢女友分手，well 哩d 位當然係會勁亂諗野........ well 得個諗字囉! 係呀, 人地係真係開口話追我，不過真係隨口up 囉.....

然後我仲有冇同佢contact? 有，o個時仲興ICQ，不過我勁eager 咁同人地講野但人地唔so 我囉! 咁仲有冇見過佢? 有，不過真係好by chance

話說YEAR 1幫D YEAR 3 搞PHOTO DAY, 咁啱O個日佢有FD 又係PHOTO DAY, 結果哩個HKU 人就黎左CUHK, 我就咁啱撞到佢，然後我影左生平同佢第一張亦係唯一一張合照，嘩我o個時真係開心到呢...... 我傻笑左一日囉...... 我更開心o既係當時個男友唔o係度囉 (我o個刻肯定會覺得佢阻頭阻勢)

屋企買左上水中心，我係勁開心，因為做左佢鄰居 (以我當時咁思春我又係again 第一時間話佢知啦)

年年佢生日我都會send 句"生日快樂" o既sms 畀佢, 最灰係佢send 返個msg 黎問我 "who are you?" (當然我未試過我生日時收過任何from 哩個人o既msg 啦)

到year 3時佢話我知佢入左BIG 4, 要請我食飯慶祝，結果我為左哩個"約會" 大廢周章again! (今次我醒d 我只係置裝呀買化妝品呀鞋呀咁囉), o個朝晨咁早碌左出去california 做gym, 9點做到10 點就lei 埋o係個更衣室化到成隻雀咁，結果我臨"約會" 45 mins 收到佢個sms "sorry, urgent matter, date you next time"

就係咁

o個一刻，終於o係童話故事甦醒

o個一刻係意識到自己有幾戇居 (真係勁戇居呀戇居左6,7年喎)，明明個事實就係如果o個個茂利緊張過你哩個人o既存在, 佢就唔會開咁多空頭支票 + 要我等足咁多年 = 零表示 (飯都冇食一餐囉) + 問你"who are you"

有時o係度諗: 如果佢有一日追左我, 哩個童話可能就幻滅，咁一個小妹妹o既幻想都冇埋, 可能個結局仲灰 (因為佢可能變埋其中一個我好憎o既ex)，但冇啦佢連追我哩個process 都冇開始過囉嗚..... (我零吸引力麼? 但佢o係紀念冊度話我o個時o係佢班度，我有勁多fans 囉!)(hey 但我o個時cool 牙中囉, 我完全r 爆頭點解咁都有fans!)

不過我都肯定我自己已經十萬個勇敢架喇! 喂, 織頸巾+周而復始係咁icq 主動say hi + sms , 你仲想我點?

宜家諗返係好好好好好好好好好好笑，我將哩篇野post 出黎畀mr. so 睇，我肯定佢o係office 一路陰陰咀笑 + 愈笑愈癲 = 笑到碌地

真係"吃不到的葡萄是酸的" 呀~