2010 大事回顧

2010, 對我黎講真係發生左好多大事

工作上:

終於變成一間MNC o既永久僱員, 點講呢, 從前O既我, 覺得做大公司同細公司, 其實都係冇咩分別, 如果係叻的話都係搵到錢, 但自入左黎之後, 我哩個諗法改變左, 都明白點解D人要死命碌去大公司。

大公司, 我唔知人工係咪真係好D, 但福利來說, 真係好D, 保障多D, PACKAGE 好D, CAREER PATH 清楚D, 機會多D。 入左黎之後, 我終於攞到一個我以為仲要等多一兩年O既人工 (雖則對比我其他同事, 我個價依然係賤價), 同同我同年o既朋友比較, 我份工算得上比較託賴, 畢竟好似所有野比人都好少少。 其實, 我都心安了, 只係, 工作時間唔穩定得黎可以好長, 哩D就係所謂TRADE OFF

出左人生第一個需要搭飛機o既business trip, 一去就去到好x 遠o既美國, 仲要一去成大半個月, 有好多工作上, 文化上, 生活上o既體驗。 仲記得搭飛機離開香港o個下, o係架機度真係好想喊, 萬里遙遙去到華盛頓玩, 我都只想返屋企; 到north carolina 後就每日不段工作+ 工作+工作，一日真係可以做18小時, o個段日子, 真係好瘋狂, 但我好記得當時o既諗法係 -- 人在異鄉, 既然又掛住身邊o既人, 又訓唔到覺, 倒不如將時間心機花o係有意義o既事上, 眼前最有意義o既事係---> 清晒手上一堆o既工作

咁勤力工作當然有後果, 就係個胃又壞左, 一醫就醫左個幾兩個月

年終最震憾係我個hea 爆老細居然升左職, 更加了解: 職場上升職, 只要試令老細覺得你有作為就得, 究竟你交咩功課, 同埋周遭o既人點睇你, no big deal, 只要你老細睇你台戲就得

唉, 哩d道理，真係知易行難, 雖然我唔奢望d 咩, 但畢竟要更上一層樓時, 我仲爭緊一d 成熟處事o既經驗。

感情上:
終於開始plan結婚，過程中當然有好多好多野煩, 更煩係當中有好多好多野要駛錢, 更加要諗下兩個家庭o既融合, 同埋, 真係要認真咁諗下, 究竟要完全嫁出去, 究竟會有咩改變。

結婚基本上好多硬件已經搞掂, 但軟件o既野, 真係都唔知由邊度諗起好。

年中時男友開始全力搞酒吧, 令兩人都受到唔同考驗, 生活上, 習慣上, 都有好多大大小小o既改變, 更加明白愛是恆久的忍耐+堅持+包容。當然, 衝突唔會一下子消失, 我希望明年一切上軌道後會順順利利。

生活上:
今年o係生活上冇咩大轉變, 但感覺係健康左, 更加認清左某d 目標, 我成日同朋友們強調一樣野-- 我地要面對現實o既問題。今年對我黎講, 可能真係發生o既事比較多, 人要向實際方向去做好多planning, 亦需要更明白究竟現實上有d 咩係局限左, 要實際上去為某d事作出改變。可以話無可奈何, 都可以話咁係勢利, 但更重要係, 真係成長左。

總括而言, 2010 係工作年, 希望今年所學到o既野, 會為我將來帶黎更大得著!

事日廢up

心情, 都係要講出黎的!

1. 前排, 心情真係比較低落的. 個人比較憤世嫉俗, 嚇親某d 親愛的朋友, 我在此向各位致歉 (但宜家已經200% normal啦, 都係o個句: 日子都係要過, 嬲完佢咪算囉反正嬲左之後件事係唔會因為你嬲而有180 度大改變 (少少我相信會有o既) )

2. 男人, 都係賤格的! 又有一個fd 對賤男中伏, 斬立決是必須的, 好慶幸佢哩d cut loss同我一樣: 機會, 畀過喇, 要cut, 即cut! yvonne, 我好愛你! 好歡迎你加入我o既超級無敵姊妹團, 我從未諗過自己可以有一個phd 做自己個姊妹!

3. 老細, 是要黎勞役我的! 老闆, 你已經勞役左我太耐, 可唔可以畀個break 我? 最重要係, 你可唔可以唔好o係我面前咁無能?!

4. 朋友, 係要珍惜的. 文迪我真係好喜歡你返黎, 我相信你絕對會blablablablablablab 唔停咁講講講!

5. 世事, 總係奇怪的. 近期有個故人無啦啦問我: "你仲有冇嬲我?" 我可以畀咩反應呢? 或者, 我應該問佢: "其實我嬲你d咩呢? 我又冇block 你又冇invisible 你, 反而係你block 我 + invisible 我囉". 或者宜家d 人就係鍾意倒轉d 事黎講?

6. 駛錢過多, 終究會破產的. 哩個唔駛多講啦, 我已經o係赤貧線以下, 日日帶飯都救唔到我, 點算呢? 賣身有人要麼?

人蠢

冇錯, 人蠢, 係真係冇藥可醫的

蠢, 其實真係唔係一個咩問題, 哩個世界就係要有D 人叻有D 人蠢, 咁先BALANCE, 如果個個都智商160 時, 哩個世界就肯定日日打仗啦

蠢, 其實可以安份守己, 咁樣做人係冇人會怪你的, 因為你自知進退, 腳踏實地


事情係咁o既

上個月我知有個舊同事 (tlt) 轉左工, 佢向我求救, 話新工雖然係大公司, 但唔啱做云云, 覺得好辛苦
本來呢, 我係覺得冇問題的, 工哩家野, 唔係見工時ok = 返工時都ok. 哩d 係理想同現實o既落差, 反正工哩家野, 合則來不合則去, 冇乜大不了的。我只係同佢講: 點都好啦, 出左黎就唔好諗住返去(舊公司)喇, o個度唔係一個長留o既地方

當時佢仲話: 係啦, 我唔想好似abcde咁o係度hea一世

ok, 當日言之鑿鑿


今日, tlt o既同事同我講哩位同事回歸左, 我第一個反應係.... 呆左

第二個反應係覺得畀人剃左眼眉咁 (雖則係哩位人兄自剃)

例牌的, 我又當然問下當時人究竟做乜春搞成咁啦

佢又係d 例牌答案: it's complicated

可以有幾COMPLICATED 呢? 不外乎係唔啱做/搵唔到工/舊公司加人工留/面對唔到出面個世界 之類

好啦, 到佢認真答我時, 答案AS EXPECTED 地弱智

1. 新工實在太大壓力 (壓力大係當然架啦, 你EXPECT 你加左人工+ 多左雙糧+ 多左BONUS+ 升左title + 轉左公司但= 同tlt 生活時一樣HEA, 一樣3 個月先做一個TASK?! 咁你做乜轉工呢? OR 其實你係發緊夢呢?!)

2. 唔啱做 (唔啱做都要做住先架啦唔係一陣就放棄下話, 打工為乜先? 為錢!)

3. 舊公司打黎叫佢返去 (佢都唔係哩刻先知你返去+ 留你架啦, 宜家先諗會唔會太遲)

結果........... O係舊公司冇加人工, 但新公司= 全球最大物流公司+ 13 月糧+ BONUS 之下, 我哩個親愛的舊同事, 都係選擇返去舊公司O既懷抱

其實, 食回頭草, 本身真係冇問題的

但, 如果食O既時間, 前後唔過45日, 仲要零加薪/升職, 最重要係, 係回到間垃圾公司, 請問, 咁返去做乜春野呢?!


佢同我講: 我問我女友會唔會覺得我好冇用

如果我係佢女友, 我會星巴佢然後話: 你唔係好冇用而係好XXXXXX 冇用, 我嫁畀你仲可以有咩將來 (BLABLABLA 下省3000 字)

(當然, 前提係我唔會揀D 咁O既男人做男友)

佢最最最弱O既都唔係哩度

佢同我講: B生 (我舊同事 = 佢老細= title 係manager) 話4月時同我REVIEW, 會升我做MANAGER 喎

我: 咁佢升左你之後佢自己做乜?! SENIOR MANAGER?

重點係, 佢話: 其實我唔想升上去做MANAGER 囉, 我覺得SA 啱我做D, 起碼真係有實幹O既野唔似得MANAGER 係掛個名囉

我想話: 如果佢日日都仲O係度永無止境咁HEA + HEA + HEA, 究竟佢個TITLE 係SA 定係MGR, 係冇分別的, 反正都係HEA , 掛左SA O既TITLE 就唔HEA 麼?!

仲有, 弱智O既都知, SA 個人工低過MGR 好多啦, 痴Q 線!



講到哩度, 已經唔想再講落去, 結論係: 人蠢真係冇藥醫的!!!!!!!