2009 大事回顧

2009年過得好快, 好短o既一年



1月: 公司地震後期，好驚，心慌慌



2月: 生日月。其實今年生日當日真係過得麻麻地, 因為生日都仲要應酬佢D 朋友, 去CELEBRATE 佢地攞第一個冠軍, 有D 無奈，因為其實我一直都只想生日安安靜靜咁過，更加唔多鍾意應酬一D 唔太關事O既人。冇幾耐就兩週年，不過整個月都BAD MOOD



3月: 生活上有超級大變化，因為加多左個成員 -- 寶寶。要由頭學過點去教佢養佢，其實唔係一件易事，生活上有好多細節都要因為多左隻狗而改變。如果你問我，畀我揀多次，會唔會都係養狗，其實可能未必會，但如果問我會唔會養寶，咁我實好肯定咁答：我會養佢一世，哩個真係心肝寶貝黎，冇改錯名

4月: 開始萬不情願地轉field, 一個做開sales and marketing o既人, 你叫我走去轉做QA?! Q 乜野A 呢乜野黎架?!?!?!

5月: 完全地轉ED, 無奈開始, 每日返工都好煎熬

6月: 寶腸胃炎, 住左3 日醫院, 佢病慘過我地病, 因為我地駛左超過6K!! 都仲未計我地請D ANNUAL o個D 錢

7月: 去台灣宜蘭, 好舒服o既一個trip, 雖然熱左少少

8月: 開始job seeking, 我真係忍受唔到一個變態o既阿姐 + 無乸聊聊冇前途o既工作

9月: 如果話決定左resign 後我係咪勁搵工呢, 我好肯定咁答你: 唔係, 因為9月o既我激hea, 只係不斷咁諗旅行plan, 結果9月尾去左台灣again, 今次去墾丁

10月: 去完旅行返黎一落機就話我有一個offer, 我覺得好神奇，但結果無咩搵過工，就又開始返工

11月: 新工作, 好忙好忙, 好多新事物, 真係意識到"what is about working"

12月: 真係忙到癲

今年係工作年，o係工作上我遇到好多好多o既變化。由sales and marketing 轉做QA，到最後好determine 咁要resign 左再搵工，哩一年我學識左咩係自己o既底線，有d 咩係極限。無錯，工作係好重要，但更重要係要搵返自己，同埋要肯定自己o既價值

對於新工作，我係好感謝自己有哩個機會，我唔知究竟自己可以o係度做到幾耐or 幾遠，但我覺得需要做好自己，其實人地會睇到我o既努力

家庭上，今年屋企好多野令我吃不消，父母總係鍾意逼我去到底無可底o既底線，我無奈，但畢竟係父母

今年同蘇生最大o既變化係一齊多左隻狗，因為多左隻狗, 變左好多生活上細節都要一齊去adjust, 但好o既係大家有多左一個共同需要care o既野，我覺得大家都因為寶寶而負責任左:) 年頭時有d 佢o既事令我唔太開心，我希望唔會再畀類似o既事bother 啦

今年我學識最重要o既野係隨緣，有d 有d 野, 原來強求太多，反而做唔到/得唔到想要o既野，以搵工為例，我冇諗過自己會做一份人地介紹o既工, 更加冇諗過人地真係會請我，都冇諗到"原來temp job 都可以咁重要", 冇諗過有d 咁o既機遇。有時做人真係需要識得放手，退一步, 真係海闊天空

今年另一樣重要事係最好朋友icy 嫁左，對我黎講哩樣野好震撼，對我都影響好大，令我深思左好多野，真係好難搵到一個可以同你哩一世都一齊過o既人，一生一世喎!

我o既一生一世唔會o係出年發生，我諗再過一年啦, 哈~

悠閒

今個WEEKEND，我EXPECT 自己好HEA 咁過

結果，我好悠閒咁同寶去廣福公園散步，無奈地兜左一大段路都毫無怨言

第二日再同寶好悠閒咁由上水行到粉嶺花都，來回足足兩個鐘

寶好乖好聽話咁，兩次都陪我行足全程，無扭過計要抱

抵我最後獎佢食我焗O既曲奇餅餅


悠悠閒閒咁過下日辰，雖然好簡單，但O係咁忙碌O既生活中，亦係另一種奢侈

三無

三無 --- 無理想無目標無大志是也


畀人話三無, 所以無資格去批評同反對人地去實踐佢理想


我諗, 我唔指三無, 我應該係六無

無可奈可無自尊無自主權


我聽到後足足有超過一分鐘啞左

繼N 年前畀條茂利鬧我"扮朋友論"後，生平收過最難聽o既說話


我聽到之後，直到哩刻，我都仲未畀到反應


what else I can say?


或者有D 人鍾意講好多原因為佢句衝口而出而開脫，但，唔代表我需要回應

此時此刻，我真係諗唔到可以講乜，只有4個字 --- 欲哭無淚

有錢萬事足?

http://www.youtube.com/watch?v=JkfVToBwYSo

宜家連手袋都可以貸款, 唔怪得個個都爭住要名牌袋, 係女人都叫自己男人買個LV 畀自己, 因為原來可以套現

我哩d 就冇用呢, 拍左兩年拖又冇手袋又冇戒指又冇鑽石鍊又冇LV, 人地一個月有齊晒哩d 野


不過都好o既, 唔駛逼自己接受一個禿頭 + 老自己十幾年o既男人, 仲要扮到好愛佢o個隻, any place & anytime 都要真人show 咁畀人睇

我接受到妓女出賣肉體, 人地都係搵餐食o者

但我接受唔到出賣靈魂, 為左錢而欺騙自己鍾意一個人

幸福與否, 都係自己攞黎

近日R小姐同我訴苦, 講佢生日有幾灰

首先係生日, 佢想食COVA 1LB 蛋糕, WELL 結果佢男友買左個美心HEA 野仲要冇寫名o既畀佢

然後佢份生日禮物, well 我真係不得不稱讚佢男友為世紀cheap 佬，因為佢"喉"實我張manhattan 卡$899 去泰國o既超值優惠(係! 無錯! 係我張信用卡囉唔該晒!!!)(因為卡主要海外簽賬滿6k 先可以有哩個優惠! 幾醒! 我消費佢享受，cheap 到無倫)，可惜哩個優惠因為我哩個卡主唔隨團而冇得享用，結果被逼取消，因為哩個cheap 佬只有每人1k budget 去旅行! ok 喎1k per person 可以cover 晒成個trip! 難得佢諗到

我: 咁你個thai 之旅點
R: 咪冇左件事囉
我: 下..... 咁你o個1k budget 呢? 喂, 求其sponsor 你買個袋都好丫, 你求其去marc jacobs 揀個袋叫佢sponsor 你啦
R: 傻啦你咪癲啦，跟本就唔會同我咁去揀，EVEN 揀左都唔會畀返錢我囉
我: ............... 咁佢同復唔復合有咩分別? 你唔係想佢改架咩?
R: .... 改到架咩?
我: 咁復合黎做乜
R: ......... 咁我覺得冇問題咪得囉.... (OK 其實你覺得冇問題的話，又何須搵我訴苦呢)


由頭到尾，我都係唔明

一個男人可以因為慳O個1舊水所以唔買COVA 買美心，都明知個女友想食COVA，一年一次o者，豪100蚊o者，駛唔駛連o個一舊水都慳?!

去泰國旅行? 其實係因為佢想請你去AS A 生日禮物，定係因為夠平所以求其為左塞住你把口，所以叫做講得好風光咁: 我請你去旅行，咁點解冇左個$899 優惠又成個TRIP 拉倒，唔通佢唔可以加多幾舊水繼續行程!??!?!?!

但係，最重要係，如果當時人一邊縱容、一邊嗌慘，咁哩D 真係自己攞黎

幸福與否，從來都係睇自己點揀

以訛傳訛

http://whocareaboutme.blogspot.com/2009/10/b.html

笑死

好明白個主角個灰o既感覺, 即係好似我上次去台灣咁, d 人會問"咦聽講你今次係去影結婚相喎, 喂其實邊間邊間o係台灣影得幾好架, 我有個fd 乜乜叉叉都去o個度影, 好平之嘛只係十萬九千七, 仲包n 套衫褲鞋襪"............

呆左囉連我自己都唔知原來我去旅行個目的係去台灣影婚紗相, jesus, 宜家d 人o既想像力真係超級豐富

My Ex es ...

臨放工前我收到個咁o既msg



Joe:
here?
Elaine:
what's up
Joe:
call me
Elaine:
ha?! (乜料呀十年你都唔搵我, 次次搵我都冇好野, 一黎叫我打畀佢?) (同埋其實我好似已經冇左佢電話)
y cant u speak@msn lei
Joe:
oh...sorry....
wrongly sent...hehe~
so sorry
Elaine:
please see see what u r talking to first



我都知我應得佢好串, 但well, 事必有因. 有d 人, 真係畀個良心佢當狗肺。

仲要係哩個咁o既hi 錯人事件，已經係第4-5 次，我覺得....第1次: ok 你戇居，情有可原我原諒你; 第2次﹕你覺唔覺得自己好樣衰；第3次或以上：究竟你係專登丫定係你個人實在太低能弱智?



多數人都知我d ex'es 都係騎呢o個堆 (唔好問我點解之前會同哩d 人一齊, well 可能以前盲q 左), 上述哩個算係比較冇咁騎呢o個個, 但都係好騎呢。例如佢同我講佢想搵工, 咁我有工咪refer 佢囉, 佢又嫌三四跟住隔左成個月先問返我究竟份工仲請唔請人, well你當人地等緊你?



過去恩怨我唔想再問, 但哩條友最乞人憎o既係, 佢永遠都係有事鍾無艷, 無事啋你都痴線。酒肉朋友我有好多, 何必需要多一個咁討厭o既ex?

近期又有另一個陳福水向我朋友問起我近況，然後問：你估ELAINE 結婚請唔請我呢? 佢請我我一定去架! 咁如果你 (我朋友) 結婚時，會唔會編我同佢坐埋同一張枱呢? o個時應該同elaine 講d 咩呢? 哩位人兄，你會唔會諗得太多? 同埋，我結婚，做乜要請一個借醉行兇走黎博懞o既ex 黎搞事? 痴痴地


d 騎呢o既男人可唔可以遠離我少少? 唔該晒, 我一個ex 都唔想再遇到

過左去o既人，仲搵黎做乜? 我唔多鍾意勾起d 不快回憶

新眼鏡

買左新眼鏡畀ks

雖然有d 貴, 不過難得佢鍾意

算啦, 小往大來嘛, 嘻嘻, 最緊要開心

墾丁高雄之旅

RESIGN 後即去旅行



DAY 1@墾丁



勁大雨, 係估唔到咁大雨, 仲要DRIVE, 仲要遇著個TUN 雞大懞司機, 結果? 兜錯路囉!

落雨去墾丁真掃興

好彩間民宿-沈家山莊峇里館, 好靚, 算啦抵返

去恆春, 海角七號阿嘉家, 真係激搵笨。個女主人叫我地一定要畀佢個女影, 因為佢好熟O個D 位喎! 結果?! WELL.... D 相得3成係見得人, 仲要有晒PLANNING 咁唔畀你自己影 + 影完叫你落樓梯同你講BYEBYE... 真係O咀 (註, 個女仔有少少弱智)



不幸事件發生

有條友掛住望左邊, 結果一個唔覺意, 撞到右側塊倒後鏡粉碎 (係, 係粉碎)，我嬲+無奈到唔出得聲, 唉, 炳佢又唔係唔炳佢又唔係, 結果成晚O係度搵邊度可以整車+整幾耐+幾錢......... 好彩唔係貴



勁大風雨

今日基本上淨係去左恆春個東門, 但勁大風囉, 人都吹得走

落大雨, 連墾丁大街個夜市都冇野行

周圍黑到我地搵返屋企條路搵左成半個鐘囉, 咩事

DAY 2

繼續落雨, 朝早出左少少太陽令我超級興奮。勁早摌醒左KS
一早去影左船帆石、砂島、鵝鑾鼻、風吹沙、吊橋等等N 個景點, 趁好天氣少少就勁影晒D 相佢

晏晝轉戰海洋博物館
好好玩咁玩左4粒鐘, 攰到癲

傍晚整好架車, 之後去左墾丁大街好好地食返一餐!

本來住墾丁天鵝湖係諗住有好多野可以玩, 點知落雨, 變左乜Q 都冇得玩, 灰

DAY 3

由於乜Q 都冇得玩之下, 我地想去半潛艇, 但都唔成行, 真係灰到癲

無奈下我地轉戰四重溪浸溫泉, 都OK 丫, 除左個餐上得激慢同埋D 花茶激難飲之外

然後打道返高雄

返到高雄, 見到間地市之星商旅好靚, 心諗都好D

黎高雄, 竟然變左行商場. 去左夢時代間PET PLUS 睇狗狗野, 失望而回, 乜都冇 + 勁貴

行六合夜市, 因為落雨關係又冇乜野開

搵雪花冰, 又搵唔到黎食 (只可以食紅豆牛奶冰)

行商圈又冇野買

有D 掃興

DAY 4

西子灣

今日終於勁太陽, 曬到嘔

去左西子灣打狗領事館, 影左好多相, 但真係好熱

去旗津, 玩電動車, 熱到癲, 但幾好玩, 如果冇咁熱就好

熱到個人咩心機都冇晒, 曬傷左KS 隻手

晏晝去食NT100 一個"食送", 好抵食

去完西子灣+旗津, 返到酒店半散狀態, 再行漢神巨蛋, 買左幾支酒 (買完覺得自己好戇居, 因為激重)

返到酒店再放低D 野, 又出去大遠百百貨誠品

真係變左行商場之旅

DAY 5

朝早發覺, 原來朝早o係高雄係冇野可以做, 因為乜SHOP 都未開
我地吽吽哣哣咁o係附近行左勁耐, 都搵唔到野做, 結果等到11點去行SOGO 金石堂

買雜誌, 哈哈.... 兩條友各自買為左D 禮物走去買雜誌囉

然後就返香港lu....


今次旅程好多可惜之處, 出年又黎過!

ByeBye iAsia

IASIA 係我自畢業以黎做得最長o既一份工，亦都係我試左最多辛酸甜辣O既工

打從一開始，就知道工作唔容易，只係冇諗過跟住一個長期搵自己笨實、幫佢做野仲要畀佢指住笑O既老細，仲要連o個5舊水commission 都要呃埋我o個隻

最灰就係海嘯後畀老細賣左去火海，將我賣左畀另一個老細

跟女老闆最灰o既就係隨時發神經，唔知佢幾時會著火，同埋唔知究竟佢要乜

如果唔係一個金融海嘯，我諗我一年前走左

大大話話我講左辭職，講左超過一百次﹐最後咁有勇氣實踐，都係因為明白光蔭寶貴，無謂再嘥時間做d 自己做唔黎o既野

對tlt，我係好有感情，覺得自己今時今日都仲係TLT 人。但對iAsia，我可以真係話零感情，對公司、對工作，冇咩留戀，只係唔捨得班好同事，佢地真係好錫我哩個地獄天使呢

再見IASIA，我要面對我o既新挑戰:)

Rain

GLAY--Rain
梦だけを心に抱きしめて
どしゃぶりの雨の中
汚れたままで彷徨う
Ah　想い出なら奇丽に壊れて...

気が付けば涙を抱きしめて
残像に消えて行く记忆の空を见上げる
もう届かない想いを散りばめながら

ALL I NEED'S YOUR LIGHT
激しい雨の後で笑ってよ
濡れた心が引き裂かれるまえに

CAN'T YOU TELL ME NOW
涙を止めて今　语ってよ
饰り続けた孤独の悲しみを
CAN'T YOU TELL ME

LAYING DOWN OUTSIDE
WITH A PAINFILLED HEART
DAYBREAK, GAZING AT THE SKY
THE STAR SHINNING, HOLDS MY MEMORY
APART, YET UNDER THE SAME SKY
I CAN SEE YOUR LIGHT
BUT, WHY CAN'T MY HEART REACH YOU
WHY CAN'T MY LOVE BE WITH YOU
YOU JUST SHINE MY SOLITARY HEART
I EMBRACE YOUR LIGHT
YOUR MEMORY

苛立ちに踏切れた
永远に溺れてみても
耐えきれない孤独だけが
体を突き刺して

ALL I NEED'S YOUR LOVE
激しい雨の中で歌ってよ
时代の流れに引き裂かれた爱を

CAN'T YOU STOP THE RAIN
涙に濡れた蔷薇を咲かせてよ
终わらない夜に感じた悲しみを
忘れて...

きのまでの涙を抱きしめて
真夜中の伤迹に“生まれた意味”问い挂ける
もう届かない想いを梦に濡らして

ALL I NEED'S YOUR LIGHT
激しい雨の後で笑ってよ
濡れた心が引き裂かれるまえに

CAN'T YOU TELL ME NOW
涙を止めて今　语ってよ
饰り続けた孤独の悲しみを

ALL I NEED'S YOUR LIGHT WOW...
降り注ぐ雨に　この身をまかせても
I STILL NEED'S YOUR LIGHT WOW...
眠れない夜に伤つけ合ったけど

CAN'T YOU TELL ME NOW
涙を止めて今　语ってよ
饰り続けた孤独の悲しみを
ALL I NEED'S YOUR LIGHT...

名牌袋

其實呢，每個人心目中都會有鍾意o既brand，尤其女人。我係女人(仲要係勁鍾意買野o個隻) 當然唔例外

我識好多人都有好多名牌手袋，我呢，好似一個都未正式買過畀自己 (唯一一個westwood 都唔過1k)，其實唔係我真係抗拒名牌，只係名牌袋哩樣野，對我黎講都有條刺

其實如果真係畀我揀買一個袋，我最想買o既牌子係burberry，近年最想要o既就好似圖中o個個款咁

話說year 2 summer, 我見到一個我真係好鍾意o既burberry 袋, 粉紅色, 2400蚊, well 2400蚊對當時o既我黎講等於天文數字，同xanga 男講, 佢都話靚。當然我唔會期望哩個孤寒成性o既男人送畀我 (我生日都只係收到rmb 5蚊肚兜一個, 仲想expect d 咩呢)，唯有自己死儲爛儲，到我儲到時, 個袋已經冇晒我鍾意o既粉紅色, well 最後咪冇買到,

人大左, 但始終都係唔知點解特別鍾意burberry。成日都想買, 但每次見到, 問身邊o個個人, 硬係會答: 好普通囉我覺得冇乜特別。好多時我想買o既意欲就咁畀人打沉左, 都幾灰。其實都唔知點解我身邊o既男人總係唔知道我只係想要d 好simple pattern o既野, gucci monogram or LV Monogram 一向都唔係我杯茶，其實睇我著衫就知, 我都冇乜邊件花衫


總係有個男人成日話: 你鍾意我實送畀你架

但其實, 佢連我鍾意d 乜, 都唔知

名牌袋, 對我黎講, 可能同戒指一樣，永遠係一個死結。個個同我一齊o既男人都話想送畀我, 又話帶我睇又話哩話路，結果呢? 去到珠寶店門口, 我望住企o係我隔離o個條友個樣，就知道咩叫 "未去揀先灰左" 佢都冇心去揀畀你，咁揀黎冇咩意思。

或者我哩世都唔會收到名牌袋or 戒指做禮物，袋可以儲錢買，但如果戒指都係要戴自己送畀自己o個隻，其實，真係冇咩意思

或者，所有野都係 "講下之嘛" , well 講下之嘛again

唯一唔會對我"講下之嘛" o既人, 應該得自己

MR. OPENRICE AGAIN

繼上次mr. openrice 事件後，我以為哩個陳福水會消失。well.......

上星期五，夜晚8點幾，我接到哩個茂利個電話again

O = mr. Openrice
E = me

O: 喂阿~~呀你知唔知呢APM 邊個位有板前架?

E: (你老味呢我變左人肉OPENRICE 麼?!!?!) ........... 我.... 唔知喎.....

O: 下，係呀? 乜你唔熟o個頭架咩?

E: (小喇叭我熟唔熟都唔等於我要答你啦下話) ............. 我唔熟架......

O: 咁唔緊要啦 (小喇叭緊唔緊要關我叉事) 喂係呢你哩排點呀? (x 佢老x 佢想點x 樣呢)

E: er..... 我宜家食緊飯呀

O: .... 咁呀唔緊要啦我遲D 再搵你啦.......

WTF 佢-專-登-打-黎-問-我-APM-有-冇-板-前-囉!!!!!!!!!

我做左APM 個客戶服務主任?!?!?!??!

痴筋花唔該SEND 佢去青山PLEASE!!!!

講下之嘛嬲乜Q

盛怒中o既我搭巴士時個腦不斷播哩首歌

一言為定

熱吻間　為何仍像有幅牆
我問誰令你感傷
為何　仍是這樣
門關起　不准我入場

.....

在那天　哪個說對你好
說了不算　你苦戀今天重現眼前
無心等我　慢慢地來表演
只想一眼便看穿

待你好　你說有哪裡好
你看不見　我說不知怎講
拿著戒子閃兩閃
也許　在要分手那天
至夠勇敢來兌現　可否以後陪我過
我不會說了就算

聽得多　若然是沒有影像
承諾將歸於妄想
假使你　怕我會賴帳
留下這定情保障　隨時戴上

坦白講，此時此刻我真係唔識分究竟邊句真邊句假，究竟邊句唔係 "講下之嘛"
分手可以係: 講下之嘛我都冇諗過真係分
結婚可以係: 講下之嘛我要知你點諗先囉
連送返工都係: 講下之嘛我唔攰架咩

ok, 唔駛"講下之嘛" ，其實係可以唔駛講。唔講冇人會話你錯，因為唔講就冇人expect 會要做。

只要係講左，it really matters, no matter what

唔陪我返灣仔, ok 我冇諗過佢咁偉大會老連咁遠咁都送，咁送我搭車囉，最起碼，送我出門口都好卦
乜7都冇囉訓o係張床度佢好攰喎 (我唔攰囉我都係2點幾訓係咪先)
跟住仲要o係張床都嗌: 我送你返囉! (係"囉" 囉, 我逼佢囉係咪?)
最重要係，如果真係諗住做，唔會仲訓o係張床都郁都唔郁 "囉"!!!!!!

大件事又係: 講下之嘛.
送返工雞毛蒜皮咁小事又係: 我講下之嘛，wtf 咁我仲有乜野事可以當係認真講? 仲有乜野係可以信? 究竟有乜野會係真呢? 有乜野唔係 "講下之嘛"!??!?!??!?!?!?!??!?!?!!?!?!?!??!



究竟係: "我不會說了就算"定係 "我只會說了就算"???????




我想搵個唔會"講下之嘛" o既人囉!!!!

EXHAUSTING!!!!!!! U KNOW!! IT IS DAMN EXHAUSTING!!!!!!

做寶寶好過做人

諗諗下，做寶寶幾幸福

星期一至五：
朝早我返工前：我陪佢玩
我返工：我媽陪佢玩
晏晝：我爸放工，上去陪佢玩，仲要接埋佢去天平村嘆冷氣
7點幾：又送佢返黎我屋企
我放工：我又陪佢玩直到訓覺


----> 咁-又-一-日

星期六、日
ks 同我全日陪佢玩

好一隻幸福的狗狗

唔係就唔好問

其實我真係超級頂級討厭成日講埋d 不切實際又做唔到o既野，尤其結婚

成日o係度問呀講呀：想幾時結婚? 係咪想下就可以呢?

同埋，如果唔係諗住做，可唔可以唔好提起呢? 例如乜Q 婚紗公園呀、睇婚紗呀，頂又唔係真係去ACTION 影相呀租婚紗呀咁睇黎做乜呢?! 開心下? 我唔覺得好開心囉!

如果唔係，就唔好問! 唔好製造咁多不切實際o既幻想畀人，哩d 野一講左就會有好多野諗，更加唔好怨話點解自己無啦啦畀人炳左一鑊，因為哩d 係自己攞黎衰，問問問問乜呢，諗清楚下有咩應該講好嗎?

同埋，可唔可以唔好咁多廢話：我要求就求(婚)架啦。咁唔求咁咪唔好講囉唔好搞到好似女o個個好恨嫁咁 ，同埋，唔該如果唔求住，就唔好講上述我講過o個一大堆廢話ok?



以上此及個人及自身朋友經驗 --- 都唔知點解d 男人唔用腦個個都係咁

記得

誰還記得是誰先說　永遠的愛我　以前的一句話是我們　以後的傷口
過了太久沒人記得　當初那些溫柔　我和你手牽手說要一起　走到最後........

--------------------------------------------------------------------------------

同自己講過，無論佢犯o既過錯，有幾錯都好，最終我都係會放低、會原諒佢

今日我不斷反覆咁諗住一句佢尋晚講o既說話

一句可以話幾乎每次嘈得好勁時佢就會講o既說話


第一次聽哩句說話，我記得係大概拍拖一個半月

當時o既反應係呆左，因為我冇諗過佢會咁講，覺得：我諗佢係講戲言

有一次佢再講，o個次我個反應係好嬲：我都未同你講你同咩我講你有咩資格同我講?

尋晚，再次聽到哩句說話，我洩左氣咁問佢一句：點解每次你一唔夠我講你就講哩句說話?



每次聽到哩句說話，我總係不停咁為佢搵各種各樣o既解說
戲言、想大我、想逼我讓步、想我收聲、想結束爭吵、講野冇經大腦等等等等

每一次佢講時，我諗大概冇諗過我聽到會有咩反應，而我自己第一個反應都冇諗到自己o既感受，只係諗盡辦法令當時o既爭論唔好再僵落去

其實，每次之後，本身因為咩事嘈已經變得一D 都唔重要，我每次受傷，都係因為哩句說話，一次比一次痛


朋友同我講過：最怕知道原來自己o係對方心目中，冇一個受重視o既地位

自問唔覺得自己冇地位，會同自己講：佢都XXXXX會陪我丫、會同我做XXXXX 丫、會為我XXXXX丫

我以為聽過N 次後我會當耳邊風，但實情係我開始怪責自己：係咪自己做得唔好，令對方咁易開口、隨隨便便就想放棄我?

好懊惱 - 會有一個諗法係：如果我重要，佢冇可能咁隨便順口開河，咁係咪即係我唔重要?

有忿恨 - 點解我好努力但可以被棄之如敝屣? 我做得好錯嗎? 我錯晒嗎?

我從來冇同對方講過咁o既說話，點解........ 我可以接收咁多次呢?


.............. 如果哩N 次中，或者尋晚.................................


點解前一兩個星期先話要娶我要永遠同我一齊，但卻可以咁容易又唔要我......




思緒一片空白，我只想搵一個角落可以畀我LEI 埋


---------------------------------------------------------------------------------





誰還記得是誰先說　永遠的愛我.........

無奈得只剩下眼淚

星期一至五，每日返工放工返工放工返工放工返工放工

LUNCH 時自閉一條友食飯，費煞思良究竟每日哩一個鐘究竟點過，尤其當一本厚600 頁o既哈利波波都睇完時，更無奈係畀人叫我同D 青山女同事混熟，點混呢唔通我拎個飯走埋去我阿姐個位度食麼? 我覺得會畀佢覺得我痴線 (WELL, 同青山人做朋友 = 自己要思想理念變埋有D 青山先可以做得出)

好唔容易捱到放工，袋都揹埋，畀個青山阿姐叫住我問哩問路，其實佢聽朝問係唔駛死架囉，尤其當佢已經HEA 到無其他野可以畀我做，叫我PRINT REPORT 睇時，咁你話喇，有D 咩係要URGENT 到見到個下屬揹緊袋準備走都仲要每日咁叫停佢呢? 無他o既，唔順眼見到佢走囉

放工已經又攰又餓心情又差 (每晚放工都畀人玩一劑先可以走，點可以唔差呢) 返到屋企，諗住對住我唯一慰藉--- 狗狗，等佢錫下我陪下我，點知飯都未食咁趕返黎，但原來隻狗畀人拎左去放，仲要連我唯一一個放鬆心情o既方法都拎走埋，我除左黑面又仲可以做D 咩呢?

每日假人咁o既面口12 小時已經好攰，放工心情唔好，黑自己面。原來自己黑自己面，畀人睇到，都係要畀人媽叉：宜家放工返黎對住屋企人你先可以黑下面乍，第時結左婚你唔通可以咁黑住口面對住你家婆咩?

好唔容易由星期一捱到星期五，我只期望星期五放工我可以安安樂樂，起碼唔駛趕喉趕命咁返到屋企，快快趣趣食完之後又趕喉趕命咁沖涼訓覺趕住聽日返工，我只想安安樂樂咁返屋企，放鬆下心情咁食一餐飯，結果被ORDER "我好耐冇返屋企食飯喇" OK 咁你自己返囉，點解要我繼續趕喉趕命趕返屋企接狗再趕去第二度食D 其實我唔多想食o既飯呢? 仲要係問左我究竟想唔想，其實原來跟本都冇諗過我會唔想，然後我唔想就變左唔符合佢心意，又打多黎一次問點解唔返，做咩呢我講自己唔想做咩都唔得? 好老套囉!!!

最後結果又係逼左我到星期五都要好趕咁，唔可以以我想o既方式食飯，以我想o既方式，令我安樂一下咁返屋企

星期六，原本諗住可以出去郊遊又好、去沙灘又好，總之我想去下d 我可以透下氣o既地方，結果又要飲茶，飲完茶搞哩搞路結果又4點幾，唉郊咩遊呢透咩氣呢? o係屋企睇電視咪算囉，at least 有一個可以求仁得仁訓下覺。結果我將自己想做o既野吞晒落肚，唯一做左我想做o既野係打邊爐

到星期日，都係要好趕咁過日辰，返到屋企都仲係係咁畀人媽叉：隻狗就冇縱壞，縱壞晒你個x街。咩事呢我做乜無啦啦畀人媽叉，我一句無心o既說話，冇意思怪責任何人，但點解畀人係咁怪我?

"次次你都話後年結婚，你今年25歲囉" 咁又點呢25歲好後生囉，大把人連拖都未拍咁又點呢
"你到後年我唔覺得你都會有錢結婚囉" 咁點呢係咪你宜家畀錢我結呢?
乜都冇講冇做咁，無啦啦都可以彈句 "25歲女身體都咁差，第日生埋仔都唔知點算" 咁點呢係咪我好想自己身體差呢?

唔好問我點解心情咁差，當由星期一到星期日都要趕喉趕命過日子，仲要幾乎無一樣野(我今個WEEK 只有一件事係如意)係跟住自己expect 咁去做，除左無奈，我又可以點呢?

我只係expect 自己唔駛放工都要假面、安安樂樂自己慢慢食下飯、weekend 可以放鬆自己一下，我只係.......

我只係唔想每日都難為自己，原來咁都太過份?

Really wanna ask her to eat shit

why some gals can be sooooooooooooooooo thick face?

think think who da hell she is now before asking ANYTHING lol

nth is meant to be granted

damn why those shitty ppl are always around me?!?

2009 台灣之旅

唔好問我點解去極台灣都唔厭 (WELL 我覺得我只係玩左台灣一小部份而已, there're still lots of spaces to explore in taiwan)

今次去得OK 突然, 由買機票到飛o個刻，全程都唔夠兩星期

well back to topic

Day 1:
嚴格黎講冇DAY 1 可言，因為DAY 1 只用黎搭飛機(2130 飛機)去桃園。落機後我地呆等酒店叔叔接我地返去 (HKD400蚊唔夠一晚仲要有人接送你話仲想點呢)。
去到酒店附近，坦白講都OK 呆，因為O個度似近郊元朗1 --- sort of 廢車場 + 農田之類 (但o個度suppose 最近市中心囉)，間酒店.... well 都係o個句，HKD400蚊唔夠一晚仲要有人接送你話仲想點呢? 但結果我成晚都冇乜訓，因為沖涼沖得唔好 -_- (個沖涼房好唔掂，本人極怕污糟水)

Day 2:
起身冇耐我地就閃人。去左桃園新光三越SHOPPING (哩個係不在行程內，冇諗過會有野買)，結果買左幾百蚊衫，搭火車返台北轉火車
SEEMS 超級戇居係咪? 做乜要去桃園呢? 無他o既諗住機場近桃園+ 我地落機可以快d settle 快d 訓覺，同埋本身我地諗住留o係桃園一兩日，點之之後轉左行程但又book 左酒店，咁咪無所謂啦當去多個地方睇下，同埋台北市都幾難搵到間見得下人但又HKD400蚊唔駛一晚o既酒店
lunch@台北火車站，食左牛肉麵+ 好好味墨西哥包，之後搭太魯閣號去宜蘭羅東
一到羅東火車站，出去就見到一片花海，好靚! 遇到好人的士叔叔 (結果我地差不多包起佢for the whole trip in 羅東)
去到農場，FEEL SO GOOD但好多古怪昆蟲.....
農村生活好簡單，玩下肥皂泡呀鴨仔呀咁又一日，整湯丸、玩柁欏、放天燈，哩D 野好玩O係城市做到，雖然一切都好簡單
晚餐我地食唔慣農場野，結果夜晚去左羅東夜市，可能天氣太熱，兩條友都唔多想食野，行左陣呢D 舖頭已經關門，十一點ONLY -_- OK 哩度比較鄉郊.......
最開心係玩煙火，NT15蚊(=HKD4蚊唔駛) 結果我地玩左成晚呀嘩哈哈....

Day 3:
朝早食完早餐+行埋農場就走lu，先去宜蘭市。參觀宜蘭酒廠 + 行下新月廣場 (兩個脫離唔到冷氣o既城市人)，之後再到礁溪溫泉酒店
再到冬山親水河公園，是夜有蘭雨節活動。睇到KOREAN 亂打樂團+靚o既夜景，夜晚有風吹黎，好舒服
好鍾意睇到地平線個感覺，感覺係自已見到o既野係endless，似身處平原一望無際咁，平時o係城市幾乎係見唔到哩d 原本只係好簡單o既野


Day 4:
朝早o係礁溪行左一陣+ 浸左個SPA 就起程返台北 (是日插曲我著左個小朋友對木屐-_-)，返到台北後去西門町解決手信問題 (點解去親旅行都要買手信娛賓呢-_- 仲要係本末倒置咁變成重點)之後我地去左美麗華商場。去台北已經行到爛o既我地 (WELL 蘇生一年去4 次囉咩事, 10月+1月+4月+7月---> 變左台北人麼-_-'')結果走左去睇HARRY POTTER -_-'' (PLANNED 之行程是也，因為平日weekend 我地掛住陪狗狗都唔會做其他without 狗狗o既活動)，然後再搭摩天輪、行下士林夜市咁，結果咁又一日

Day 5:
起啟返歸是也，途中遇到機場痴漢-_- (去到邊+無論同邊個一齊我都會撞到痴漢囉咩事呢)，好好彩返得黎早，如果夜晚先返到香港，o個時都差不多掛8號風球，返唔返到黎都係一個問題

CONCLUSION

好似好嘥咁晚機去早機返? 其實我地自己揀架囉，因為為左星期六返黎有時間陪狗狗 (勁愛寶寶囉我地兩個)，無他o既真係狗狗真係好抵錫，佢唔見左我幾日以為我唔要佢AGAIN，哈......

晚晚搬酒店好辛苦? 少少啦但係其實去o既地方唔同，搬酒店變左必然，咪畀自己試多幾間唔同o既酒店囉，不過我最鍾意都係自己張床同埋自己個PILLOW，o係台灣晚晚D PILLOW 都唔啱訓，搞到冇覺好訓呀

駛得最多錢係咩地方? 搭的士! 因為宜蘭除左的士冇咩交通工具

做乜要去宜蘭咁冷門? 咪就係因為冇乜人去+ 我地想過鄉郊生活，不過，城市人呢，體驗過就算，叫我日日過哩D 生活我會悶到痴線

旅行最大得著? 我識用架G10 囉!!! 幾千銀買架PROSUMER，雖則唔係好貴，但擺o係度當傻瓜機咁用咪好嘥 (同埋咁我駛乜拎佢呢，傻瓜機我有兩架囉)

今次旅行超健康，我地曬左好多太陽+行左好多路+出左好多汗+冇行程係晏晝返酒店訓覺 (OK 係平時我地兩個太懶囉-_-)

Mr. Openrice

well 我同Ms. Lam 可能係office 中o既敗類，但我地真係笑到痴左線

人物介紹
COW: 青山公司舊同事 (what is 青山公司?! 咪係我同Ms. Lam 舊公司囉)

Elaine 說: (copy 左同COW o既對話畀Ms. Lam 睇, 為方便起見, 我COPY 畀Ms. Lam 睇o個D 字會係紅色粗體)
支援汶川.COW 說: 喂 知吾知旺角有咩地方有好野食呀?
~~ 說: u can ask openrice

Ms. Lam說: lolz
~~ 說:
我係發聲openrice 麼?
Ms. Lam說:
(幻想COW o既對白) "who is openrice?"
~~ 說:
http://www.openrice.com/
Ms. Lam說:
"ur fd?" LOL
~~ 說:
no, tlt 個阿cow
Ms. Lam說:
(幻想COW o既對白) "ur fd's site?"
~~ 說:
X街佢唔知我串緊佢
Ms. Lam說:
哈哈哈哈哈
~~ 說:
支援汶川.COW 說:
係 睇來問岩人啦? 推介下?
Ms. Lam說:
hahah X 你
"who is openrice?" (幻想COW o既對白)
"ur fd?" LOL
~~ 說:
我笑左囉咩事呢
Ms. Lam說:(幻想COW o既對白)
"你朋友? 佢個名咁特別既? 可以比佢msn我嗎..?"
X我都笑緊
~~ 說:
o X左咀
Ms. Lam說: (幻想COW o既對白)
"你朋友? 佢個名咁特別既? 中文名叫開飯? 可以比佢msn我嗎..? "
~~ 說:
夠喇我笑到流眼淚
Ms. Lam說:
好X正呀佢
可以copy你d對話擺上blog/ fb嗎 lol
~~說: 可以, 我正打算咁做
Ms. Lam說: great!
~~ 說:
支援汶川.COW 說: 係 睇來問岩人啦? 推介下?
Elaine 說:
www.openrice.com
X佢仲要 THX 9 我
Ms. Lam說: 由頭cap落尾先正

(為順應民意+ 方便讀者睇, 我決定由頭COPY 一次)
~~ 說:
支援汶川.COW 說: 喂 知吾知旺角有咩地方有好野食呀?
~~ 說: u can ask openrice
支援汶川.COW 說: 係 睇來問岩人啦? 推介下?
~~ 說: www.openrice.com
支援汶川.COW 說: thx 有無食過德福閣 (佢仲要繼續問囉咩事呢)

Ms. Lam說:
頂你個肺.........
~~ 說:
我好肚痛呀
Ms. Lam說:
我係X咁笑.....
~~ 說:
me2 又要dup 低頭忍笑唔出聲
Ms. Lam說:
-_- 我就黎可以放聲笑 又1日了
~~ 說:
-_-'''
結果我地笑到肚痛咁放工，我仲要係咁COPY 畀其他同事睇囉!!! 結果梗係笑死左其他人啦

WELL 我真係好敗類呀....................

無題

對待感情，我一向認真
我唔會亦都唔敢將自己一世o既幸福押落一段只有七日o既感情上

對於感情，我覺得.... 需要自己努力
努力去將自己o既心意傳畀對方、努力去維繫
當然，單靠自己努力係唔夠，究竟另一方點對待自己，又係另一個問題

近期睇住某個朋友d遭遇，有d 感觸
um..... 我覺得，一段感情失敗，被飛o個個固然係覺得無辜，但最傷o既，往往係決定去講分開o個個
要講出黎已經唔易，畢竟要放棄一個自己曾經(或者係宜家)好鍾意o既人
要不斷畀對方怪責
仲有分手前自己所受o既傷害
其實係一個好重o既擔子

如果被飛o既人要怪，我覺得就算要怪責，怪責o既人都應該只係自己
怪責自己唔可以將心意傳畀對方
怪責自己冇令對方知道自己重要
怪責自己唔夠努力、自我中心、忽略對方感受
對方做d 咩、諗d 咩，冇人可以控制，但自己究竟做過d 咩黎，係可以選擇

朋友，希望你快d 企返起身，there's always full of chances, if you believe

痴孖筋

星期一至日

由星期一至五晚，玩足5個weekday，我都忍你

星期日晚，又話"你都要返去食飯架啦"，結果又有藉口出去，我又忍你

頂你你連星期六晚都仲要去埋d 無乸聊聊乜Q grand opening

仲問左我幾廿萬次：你黎唔黎呀?

我一星期得返半個so called 星期五晚，加一個訓到星期六1點o既周末，再加一個得半日o既周日，仲要周日朝要去同你應酬你d 姨媽姑姐去飲茶

我唔開心，好日都唔出句聲咁講，想你陪下我，你一句：但我要去頒獎喎。Ok! 你去頒飽佢，我廢事夾硬留左個人o係度結果又成晚黑Q 我面仲要講：我咪陪左你囉你仲想點，結果又係我聊交鬧係咪

“我星期五係去嘉士伯係做野搵錢囉” 我唔知，o係我眼中冇分別，總之都係飛鏢同飛鏢仲有都係飛鏢

我d 放假時間都好珍貴囉

你仲要我去陪你去乜Q grand opening? 個grand opening 關我乜叉事? 算，我都忍。男人要威要面嘛，有d 場合需要有女人陪，ok 我理解，但我都講得好清楚唔帶得狗就我唔去，你仲要補多句：冇架如果o個晚你悶咪同so young 走先囉. 你真係當我係d 拎出黎威完，好啦用完你喇你走得喇拜拜o個d 三陪小姐麼?!

我d 時間都好珍貴，我冇夾硬逼你陪我，但你唔好以為樣樣野都係應份。你咁鍾意飛鏢，同飛鏢拍拖結婚囉，駛乜搵我o者

痴孖筋打完哩堆字我想喊囉，我覺得自己好慘

談愛情

以前o既我，總係久唔久就會講下自己o既愛情生活、對愛情o既睇法



人大左，可能加上宜家感情上好穩定，雖然好多時都係想寫低落黎，但有時又會覺得：生活上有d 野留白可能都好好，或者係覺得因為一切都平淡但美滿，所以冇咩好寫，又或者係宜家哩刻o既我，比較著重好好經營，因為宜家所追求o既，唔再係細路女時轟轟烈烈有笑有淚o既愛情，而係可相守到老o既關係



自問比常人諗多d 野 (或者係庸自人擾啦 ~) 久唔久我都會回首以往，因為我覺得，宜家自己所擁有o既經歷、諗法，好多時都取決於究竟自己以往所受o既教訓。前陣子同朋友講起以往o既感情事，問我：會唔會因為失去過某個人，或者錯過左某個人而所以好留戀佢? 我o既客案係：絕對唔會



我覺得，可以相戀，其實係好講天時地利人和。如果當初仲同某一個人一齊，但最後因為某一d 原因而分左手，可唔可以過多幾年復合呢，我覺得唔可能。因為當初大家一齊時，如果o個一下解決唔到當前o既問題，其實已經係表示大家冇能力再一齊走落去，或者分開左之後，有一方面係解決左個問題，但係唔可以一廂情願覺得："之前個問題，我已經解決左啦! " 更因為自己單方面思想而覺得可以再走返埋一齊，因為o係可以一齊work out 時，大家已經放棄左，人生冇point of return，唔係可以話從頭黎過就一切可以拉倒重來。當初有克服唔到o既困難，難保之後再一齊後，問題唔會再出現，更加重要係，之後會唔會有第二第三甚至第n 個解決唔到o既問題呢? 係咪又可以再輕言放棄呢? 我覺得咁樣好累人



其實早一排自己o既愛情生活都唔太如意，因為自己o既感情生活，畀一d 已經過去左o既人牽絆住，但我可以話無能為力去解決。先唔講自己對哩個人o既睇法或者觀感如何，我係覺得，當初放棄，或必須放棄一個人時，如果自己仲死死咁將自己縳o係一段已經過去左o既情感上，對自己，對對方，甚至係自己身邊同埋對方身邊o既人，都係一種沉重o既負擔。過去左o既野已經冇得抉留，既然哩一刻選擇左同另一個人一齊，我覺得先要忠於此人，因為冇野係比宜家哩一刻同哩一個人更重要，或者回憶係好美好，但畢竟人唔可以攬住回憶過世，如果唔愛宜家哩個人，又做乜要同佢一齊呢? 水泡麼?另一方面，如果硬bang bang 咁仲o係一d 公眾地方成日提住 "其實我仲好鍾意xxx"，我覺得對對方好慘。自問經歷左三年，三年以黎都有個人不停咁用一d 方法去提住："我仲好掛住你"，我係覺得好煩好煩，感覺係哩個人既唔肯放開自己，亦到要夾硬摶埋我沉淪埋一份，o個一種 "我得唔到你所以都唔要你 (同你身邊o既人)好過" o既感覺好沉重。我唔介意之前愛我o既人會將我默默地放o係心上，但我好介意自己過去o既人或者宜家我愛o既人佢身邊已經過去左o既人，仲o係度日日提住哩一刻我仲係點愛以前o既我/佢。宜家示威麼? 哩種痴心，換黎o既只係打擾對方生活。雖然此刻唔再相愛，但我都想見到過去左o既人能夠努力向前，去找尋屬於佢地o既幸福，rather than去破壞宜家一d 已經唔再屬於佢地o既野。



近期都有件事值得開心，因為我睇到身邊o個個人佢有左進步。或者係相處兩年幾，佢個思想模式都係比較簡單同單一，所以我好多時都會expect 左佢某d 野點做。記得o個個星期五晚我聽佢無啦啦提起想轉換工作，我係暴跳如雷，因為我心知佢想轉換去邊一種工作 (不過我更清楚佢o個一下係唔會認)，而我自己都認定係唔好。哩排同佢平心靜氣閒談多幾次，聽左佢一d 諗法，先發覺佢已經同以前有少少改變。以前我覺得佢淨係會諗住去玩同埋點玩，今朝有酒今朝醉個感覺好重，但原來佢宜家已經會諗到究竟將來會點，同埋佢期望自己想做d 咩同埋做到咩地步，更加會set 一個point 去畀自己究竟做到哩位需要stop，亦都學識等待，哩d 都係佢超出我expect o既事。如果哩刻再問我贊唔贊成呢? 我諗已經唔再係和而不同o個隻 : "我唔贊成，但我尊重" ，而係我都會選擇去支持佢，因為我見到佢o既改變，佢比以前成熟左，同埋趁佢有能力去試時，不如畀佢放手一試，或者我地o既將來更好呢。



見到佢o既改變，我覺得我都唔應該再自怨自艾生活o既苦事。生活本應充滿辛酸甜辣，有一個人會同自己一齊品嘗哩d 味道，應該感恩

幸福的過程

看到她出嫁那一刻，真的感到熱淚盈眶

忘記了何時開她與她親近，只記得中六時對她第一個感覺是：一個很有目標很AGGRESSIVE 的女孩

起初不太喜歡她，或許因為她有目標及AGGRESSIVE 吧，這些地方跟我很相似，不同的是我覺得她比我更強更清楚自己需要甚麼，或許也基於我每次找到一個跟自己類似的人的開初，也總有一點不喜歡吧

我想大概是進了大學吧，同一大學、同一書院，雙依為命的生活，再加上入學不久我就失戀了，那些日子，都是多虧她的扶持。她總是默默的聽我申訴、開解著我，讓我好過一點

YEAR 2 那年她去了日本，不瞞你說，那些日子真的很想念她，沒有她的校園，好像變得空虛

YEAR 3 那年，她終於回來了! 可是覺得她變了，比以前沉默，比以前被動，好像有點陌生。我覺得有點失落，從前的她去了哪兒?

不久以後她跟我說她戀愛了，是學系的師兄，為她感到幸福，因為終於有人疼錫她了

UC 畢業那天，我抱著她的蘿白頭先生，很低能，可能那張相是我最最最喜歡的一張畢業相，我倆都笑得很燦爛，我們終也一起畢業了

大學畢業以後她找到了安穩的工作，可我呢就選擇極有挑戰性的，因而跟家人鬧得不快。那些日子，她都知道

她分手了，我也分手了；不久以後我戀愛了，可是是沒有結果的戀愛。我知道她不贊成，可是她理解，這是我首次親身體會到甚麼叫和而不同

不久以後，她戀愛了，我是有點氣她的，因為當時她不敢承認愛上一個陌生人，我不是計較她愛上一個有錢的陌生人 (這是她的理想呀不是麼)，而是因為我們都這麼多年了，沒甚麼不可以坦白的。她做的所有決定，我也會一樣：未必贊成，但我理解

初次看到她拖著男友時 (當時還在氣她)，不得不否認的，是那一刻的她，確實比跟以前那個他，笑得更開心、更燦爛

一年後她告訴我，她倆分手了，雖則我不明所以，但沒有多問。我覺得，有天若她認為想說了，她便會說；若不想說，我又為何強人所難?

不久以後，她請教我如何織毛衣，那一刻的我覺得天荒夜譚，還問她是哪家的男生有這種福氣，令她也甘心的學起這玩意，她笑說不語。當時我是驚訝為何她這麼快便忘情，原來她一直都沒有忘記，這"新"的戀人，不是新的，只是剛剛重新戀上剛與她分手的他

我對她說：你很傻呀，付出這麼多卻不理回報! 她說：我不想理啊，我只想做一些事，為他做一些事，也讓我有點事做。我當時心裡很難受呀! 傻妹! 也在暗罵那傢伙：這是你修了八輩子的福!
為她心痛，不過我仍然支持她，我可以為她做的，也只有教好她為她織毛衣呀，畢竟我不能代替他去愛她

還好不久以後，她倆復合了，我心安了，可是異地戀畢竟要遇上更多困難

大半年前的三個月飯局，她忽然說：我要結婚了! 當時我呆了，推一推她的頭：你比我嫁得更早呢! 其實我早知的，也希望的。那刻有一點失落，有一點不捨


婚宴開始時，播放著當日的結婚花絮，看到宣誓那刻我真的哭了，因為想起她這些年來與他一起的辛酸甜辣。早陣子她還跟我說：當天勇敢地分手是覺得，那一刻他不能完全地只喜歡我一個，那麼我只有兩個方法，要麼就分手，從此了斷；要麼就等到他心裡只喜歡我一個的那一天。傻傻的她終於守到了、等到了!

說真的我真的不敢去親身看她宣誓，因為我肯定自己會哭成淚人，人家準會說：那個女生用不著那麼誇張吧哭成這樣! 可是我就是眼淺呀，唯有不去，在背後支持她，我知道她知道的

終於，我看到了她得到幸福的一刻，無憾了。好朋友，我祝妳永遠幸福!

碎

LOOP

不能吃、不能睡
所有事都像在重覆著
難道我又要像兩年前一般，因為胃炎入院?

最戇居的，是可能只有我才那麼戇居、那麼介懷

兩年了，付出很多

此時此刻，我都不知該說些甚麼

在處理事情上，我站在最被動的位置
卻最主動的受著傷

最重要還是我愛你

維繫一段感情，最重要的
不是我有多漂亮、你有多富有
不是頭腦有多聰明、思想有多靈活

最重要的，還是"我愛你"

因為愛你，所以願意
付出、犧牲、擔心、受傷
全為了維繫"我愛你"

近期，經歷好多.....

建立一段關係好易

但破壞一段關係更易

相知，相依，相守

幾多人可以到老


好好珍惜愛你O既人

唔想再做落去

如果唔係經濟極度不景
哩份工，我應該半年前已經QUIT 左

本來我都唔諗住咩都WER 出黎，但既然入得黎都係朋友，都冇咩所謂喇

起碼我POST 左O係度，我會記得哩個世界，咩叫賤人

Dear Esme,

It’s also good for you to understand the target. I hope you could set up your own target.
Remember: “Give and Take”, there is sequence. Please be noted that Commission is not included in our employment contract.
Commission is a kind of Initiative/ reward for iAsia’s staff to grow and improve our performance.
Therefore, your performance is being monitored as our consideration. And corresponding commission is allocated to you base on your performance.

Staff: Esme Cheung
Period: 1st Jan 2009 ~ 31st Dec 2009
Grade: Sales and Marketing Executive
ASP Commission: Every HK$25K/ month, Elaine is entitled HK$1,000 commission
One-off Commission: Every HK$500K, Elaine is entitled HK$1,000 commission

Calculated Commission = ASP Commission + One-off Commission
Final Entitled Commission = Calculated Commission with consideration of Other Factors

Regards,
Leo Wong

如果我簽到50萬，我先會分到$1,000蚊COMMISSION 喎，我係乞兒嗎?

唔係個SCHEME 係咁計出黎，而係我O個D 錢，畀佢一應唔該都冇咁食晒，仲要先侮辱一返

咁O既工，我真係好唔想再返落去，最過份係大O個兩個任得哩條友係咁亂UP廿四搾乾下屬

寶寶病了

寶寶返到黎時都好健康，唯獨係o係我房入面就成日打乞嚏同埋"騎騎騎"咁好似咳咁

尋晚開始咳得多左，開頭我因為知佢吞左d 毛巾線 (佢超級為食，乜都擺得落口)，以為佢哽住喉嚨同鼻鼻透唔到氣，結果我都係驚佢病所以都係帶佢去睇醫生

醫生一睇就話佢應該係傷風，因為佢都幾多鼻水同眼水，同埋如果佢真係想嘔返個毛巾線出黎佢應該係會嘔而唔係仲好好胃口 (佢真係好食得架喎)，所以要食藥lu

返到黎同細佬夾手夾腳逼佢食藥，真係難到呢...... 佢又唔乖乖就範喎

食完藥後佢好似仲咳密左，真係好擔心呀，聽日又要返工湊唔到佢，唉，寶寶呀你要聽話D 休息多D 呀

加入寶寶的生活

寶寶係我隻狗

上星期五終於帶左佢返屋企

帶佢返屋企前其實都有D 唔開心，因為受到細佬青責難怕狗狗會被冷落同埋我會少O係屋企，所以令佢唔開心；另外旺旺家人都唔太贊成養狗狗令我同旺旺都DOWN 左一陣子

拎左寶寶返黎後，生活改變左好多。首先要將屋企打掃得一塵不染 (因為我哩隻白松鼠十級為食，最鍾意就係食塵!)，然後要照顧佢起居飲食，教去廁所當然係最重要一環 (佢唔知做乜DEFAULT 會去個廚房門口做大大囉咩事)，然後夜晚佢一定要望住我先訓到覺 (最後結果係我要將個狗籠畀幾張CHAIR LONG 住，同我平排，佢可以直望我，先訓到覺)。

媽咪話：養隻狗，不如生個人出黎養好過啦 (..... 我知你想抱孫.....)

不過，出乎意料O既係我哩個寶寶本身都幾聽教聽話(除左成日牙痕鍾意左咬右咬之外)，佢本身好乾淨，絕對唔會O係自己張床去尿尿 (會選擇行出去痾)；至於便便呢，佢就好明顯因為覺得便便臭同污糟，所以佢係唔會揀O係自己個籠度痾便便架 (但佢第一日唔駛教已經係O係個籠度痾尿尿)，同埋佢本身都幾痴人架

更出乎意料O既係我父母知道後冇乜特別反對，仲叫我畀隻狗我爸養添!! 係咪好神奇呢~ 鐵面判官爸爸竟然會想養狗!!

過兩日再UPLOAD 相上黎啦

悲情情侶

我相信從來都冇一對情侶好似我同旺旺咁悲情

只係閒來無事肚餓買個菠蘿包食o者 (仲要係o係間買左十幾年o既舖頭買), 咁都會食物中毒, 仲要兩個d 病徵係exactly the same 得咁緊要

星期日晚11點幾開始: 胃唔舒服, 唔知想點咁, 訓唔到覺

星期一凌晨4點(旺旺only, 只因佢食得比我多): 嘔 x n 次

星期一朝早: (我), 混混愕愕咁返工, 完全唔掂, 零休息
(旺旺), 嘔到死左, 宣佈淪陷, sick leave 是也

星期一十點幾: 兩人同事出現發冷發燒等病徵

星期一十二點幾: (我), 同樣宣告淪陷, sick leave 是也

星期一兩點半: 兩人同時冇胃口食野, 手軟腳軟就暈低 (結果我踢左佢出去買通粉食)

星期一四點半: 滾左出去睇醫生, 呆等個半鐘, 結果醫生一同召左我地兩個入去見, 然後開左d 藥畀我地食 (最神奇o既係個醫生竟然聽都冇聽佢個身體發生咩事就開藥畀佢食)

星期一六點半-八點半: 訓到死左

星期二凌晨12點: 再訓

星期二七點: (旺旺)宣佈冇事
(我) 繼續淪陷

星期二朝早: (旺旺) 暈陀陀咁返工

星期二晏晝: (我), 暈陀陀咁行街換醫生紙



食左個菠蘿包o者, 做乜要搞到腸感冒呢?! 同埋, 感冒點解會兩個人o係exact timing 一齊發病架?!

夢寐以求

我恨了十幾年，今日終於得償所願!!

這幾日睇下睇下睇，明明話想睇長毛芝娃娃及松鼠，奈何就算有兩隻同樣可愛的狗狗--長毛芝娃娃同埋松鼠，放埋一齊，其實我都只會睇松鼠
結果今日扑槌，最後都係選白雪雪成個波波的白松鼠囡囡

狗狗呀狗狗你好貴同矜貴 (係爸爸成份退稅金囉)，但我會好好愛惜你照顧你
爸爸同媽媽都會用萬二分愛心去對你
到星期五我地就會接你返屋企lu~

最難得是你爸爸竟然萬二分熱心及耐心去睇狗用品，這是我除了見他掟鏢外唯一最積極做準備的事

快d 到星期五啦

搬office

哎，搬office真的很麻煩

要pack 一百萬箱東西
還要我個可愛的茂利老細+賤精先生在完全沒有知會下，今日閃到澳門傾生意
天耶，唔好要我自己pack 盡一整個dept 的東西吧
我會想殺人囉

今日最精警句子是第二把交椅見我披著外套在打字，無啦啦搭了句：你發冷呀?!

我發不發冷，又關你叉事麼? 做高層就要有些口德，不要那麼口臭囉 -_-

寂寞

每天都好討厭放工回家

不是我喜歡上班 (實情是我極其厭惡我現職囉)

而是每天回到家裡，空無一人

沒人跟你談話 (就算有，都是那個頂心頂肺的弟弟腰心腰肺地回敬)

不想麻煩母親來回我家與她家，送我晚飯 (她工作一整天也累壞，而我都不想給她服侍，因為我不是公主)

想找他吃飯，可是他連跟我安份的坐下吃個腸粉的時間都像沒有 (視飛鏢如命的傢伙，女友當然擺在一旁)

然後每天都獨自回家

開著電視聽那些肥皂劇的吵吵鬧鬧的聲音

讓自己感覺一些 “人氣”

每晚開著電腦，msn，才感覺有人會理自己

好想養寵物，讓我感覺到有回家的意義，因為有人在等我，有人會理我

可是又怕讓它太寂寞

這樣的生活，到底還要過多久?!